أول تعليق من أسرة أحد ضحايا عقار كرداسة: كان بيحفر في الصخر عشان يعيش وقبل وفاته بيوم ودّعنا
تصدر عقار كرداسة، تريند مواقع التواصل الاجتماعي خلال الساعات الماضية، بعد ارتفاع أعداد الضحايا الذين لقوا حتفهم بسبب انهيار أحد العقارات بمنطقة كرداسة بمحافظة الجيزة، ووقع الحادث نتيجة انفجار اسطونة بوتجاز ما أدى إلى انهيار العقار، وشيع عشرات الأهالي جثامين ذويهم من الضحايا، الذين كانوا يسكنون العقار، ومنهم محمد جابر عبد المتجلي، من محافظة سوهاج.
أول تعليق من ابن عم أحد ضحايا عقار كرداسة
وقال علي الهواري ابن عم أحد ضحايا في تصريحات خاصة لـ القاهرة 24: ابن عمي كان إنسان مكافح بمعنى الكلمة، وكان كله إيجابية، وطموح، وكان من الشخصيات المحترمة جدًا وكان في حاله، ومختصر حياته من شغله لـ البيت ومن البيت لـ شغله وكان إنسان طيب جدًّا معاه أخوه شغال في القاهرة ومعاه أخوه التاني في الجيش، وكان نفسه يفتح مشروع يأكل منه عيش.
وأضاف علي: مكنش بيقبل أي يقبل حاجة من حد وكان بيشتغل وبيحفر في الصخر عشان يعيش، في الدنيا كان أهم حاجة في حياته وطموحه هو الستر، ومحمد كان من الناس المحترمة أوي حتى أسرته كانت فخورة به جدًا، وكان دايمًا باصص لقدام في كل حياته، وإحنا هنا في البلد زعلانين جدا عليه، والناس وصحابه كلها زعلانة عليه علشان عمره ما غلط في حد ولا جاب مشكلة مع حد كان طيب، وقبل وفاته بـ يوم واحد كلمنا في التليفون وكأنه كان بيودعنا وحاسس بالموت، بس رضينا بى المكتوب ونحتسبه عند الله شهيد وبندعيله ربنا يثبته عند السؤال.
