حمادة هلال: الراحل سامي العدل هو اللي أقنعني بدخول التمثيل
روى الفنان حمادة هلال موقفا جمعه بالفنان الراحل سامي العدل، مشيرا إلى إنه هو من أقنعه بدخول التمثيل.
وقال حمادة هلال خلال لقائه ببرنامج ضيفي، تقديم الإعلامي معتز الدمرداش: أستاذ سامي العدل الله يرحمه هو اللي طلب مني إني أمثل وقولتله لاء، قالي هتمثل معايا في مسلسل بدارة، وأنا كنت بخاف منه، ومن هنا نفسيتي اتفتحت للتمثيل.
تصريحات حمادة هلال
كما تحدث حمادة هلال خلال الحلقة عن أكثر من موضوع مختلف، حيث قال: الغناء مكنش في دماغي وخالي كان بيحب التمثيل والغناء واكتشف أن صوتي حلو وهو كان بيدعمني، في المدرسة كنت بغني وقالوا صوتي حلو وكنت بغني أناشيد ومش لاقي نفسي برضه.
وأضاف: غنيت في جميع الأفراح ببلاش عشان بحب الغنا ووالدي أضايق وقالي مش كل شوية هجيبك من فرح، ولما قررت أروح لمنتج شعبي اشترط عليا أغني في حفلة عشان يشوف صوتي ووالدي كان معايا، وأنا بغني الشرطة طبت علينا ووالدي شالني وجرينا.. وبعدها بوست أيد والدي واعتذرتله وقولت خلاص وخدت قرار أني مش هغني في أفراح تاني، وأشفقت على والدي لأن كنا بنجري في أرض زراعية وطول عمري بتعامل معاه أنه أخ وربنا يديله الصحة يا رب.
