إيناس الدغيدي عن أعمال يوسف الشريف: لا أحب مسلسلاته ولا أفكاره.. ولو قعد في بيتهم أحسن
كشفت المخرجة إيناس الدغيدي، عن موقفها ورأيها في أعمال الفنان يوسف الشريف، مشيرة إلى أنها لا تحب نوعية أعماله ولا الأفكار التي يقدمها.
وقالت إيناس الدغيدي خلال لقائها مع الإعلامية بسمة وهبة، ببرنامج العرافة: أنا مش بحب السكة بتاعت يوسف الشريف ولا بحب نوعية المسلسلات اللي بيعملها، سواء أفكاره وطريقته وتركيبته، إزاي أشتغل فنان وميحصلش تلامس، ما يمسكش أيد واحدة لا يبوسها ولا ينام جنب مراته في المسلسل يبقى يقعد في بيتهم بقى.
تصريحات إيناس الدغيدي مع بسمة وهبة
كما تحدثت إيناس الدغيدي خلال الحلقة، عن رأيها في أعمال السبكي قائلة: أنا مش من مدرسة السبكي، من وجهة نظري أن السبكي كان سبب في هبوط الفن المصري، وهو ابتدأ كويس ولكن بدأ يختار إيفيهات من القهاوي ودخلنا حتة تانية غير الفن ومبسوطة أنه خارج مصر دلوقتي.
وأردفت عن الخلاف بينها وبين آثار الحكيم: مبقتش موجودة ومشكلتها في اتخاذها تيار إسلامي يعيبها كفنانة لأن ده خارج الفن وبينها وبين ربنا مش الفن، وبسطتني لما هجمتني وحطت اسمي مع يوسف شاهين إننا اللي بوظنا السينما.
