ألعاب نارية.. فتاة تشكو بعد إلقاء أحد جيرانها صاروخا على شقتها بالإسكندرية: التكييف ولع
اشتكت فتاة من حريق تكييف منزلها بسبب صاروخ ألقاه أحد الجيران الذي يسكن الطابق الـ 11 من بلكونة منزله بـ الإسكندرية، ما تسبب في تلف أسلاك التكييف بالكامل وحريق شباك منزلها.
فتاة تشكو بعد إلقاء أحد جيرانها لـ صاروخ
وقالت ملك إدريس في تصريحات خاصة لـ القاهرة 24: حسبي الله ونعم الوكيل، عشان الناس لما تتكلم وتقول حرام متفرقعوش صواريخ دي أذى يبقى نسمع الكلام، التكييف بتاعنا ولع، شايفين اللي حصل في الشيش كمان اتحرق كل ده بسبب صاروخ حد رماه من الدور اللي فوقينا، النار كلها طلعت هبت في الشيش، زي ماانتو شايفين الأسلاك كلها سايحة ربنا يعوض علينا.
وتابعت: واحد جارنا فوقينا رمى صاروخ على التكييف نزل عليه ولع خلاص والشيش اتحرق، وستر ربنا أنه مكنش شغال كان زمانا روحنا، حسبي الله ونعم الوكيل الناس فاكرة الصواريخ دي حاجة بسيطة ميعرفوش بتعمل ايه وممكن تدمر وتخرب حاجات، وفي الأخر بيقولوا أحنا بنحتقل برمضان بتحتفلوا بيه بالأذى من كتر وريحة الدخان روحنا عند أختي.
واختتمت: ياريت الناس كلها تخلي بالها من خطورة الصواريخ دي واللي ممكن تعمله في البني آدمين، خلوا بالكم الموضوع مش هزار وربنا يسترها علينا وعلى الناس كلها من خطورة الصواريخ.
