صغيرة: لو استخدمت الذكاء الاصطناعي في تحريك صورة حد ميت حرام ولا حلال؟.. على جمعة يوضح
أجاب الدكتور علي جمعة، عضو هيئة كبار العلماء على سؤال صغيرة نصه: لو في شخص ميت عزيز عليا جبت الصورة بتاعته وعملتها بالذكاء الاصطناعي كأنها حقيقة وبتتحرك حرام ولا حلال؟.
وقال علي جمعة خلال برنامجه الدين والدنيا: هل هذا التحرك سيعمل في توثيق حاجة على سبيل المثال أخليه يتكلم بأنه يوصى وصية فيها كذب، وأكل الناس بالباطل، لأن التزوير ممنوع، معقبًا: هل التحرك سيكون فيه منفعة؟.
وأضاف على جمعة: لو فيه منفعة نعمله ولو مكنش فيه منفعة منعملهوش ودي حاجة جديدة علينا وعليكم كمان.. لسه الجيل اللي هيتولد ويشوف الحاجات دي هيعتبرها شئ طبيعي، لكن دي دخلت عليكم دلوقتي فأنتوا اتعلمتوها.
وتابع: طبع الإنسان لابد أن ينسى الحزن، لذلك نهى الدين عن إقامة الحداد والحزن أكثر من 3 ليالٍ حتى يزول الحزن، ولكن إذا ظل الإنسان يجدد في الحزن سيكون هذا غير مناسب لصحته النفسية والعقلية، معقبًا: أي حاجة صح حلال.. وأية حاجة غلط حرام.
ومن جهة أخرى، أجاب الدكتور علي جمعة، عضو هيئة كبار العلماء على سؤال صغيرة نصه: بحب الرسم وفي ناس بتقول حرام فهل فعلا حرام وهاخد سيئات؟.
وقال علي جمعة خلال برنامجه الدين والدنيا: الرسم يقول فيه الرسول وهو ينهى عما أسماه الصورة اللي هي التمثال المجسم المعبود فقال: إلا رقما في ثوب، يغني خطوط رسمتها في ثوب وحطيت فيها خطوط، عاملة زي الكنفاه والإيتمين والروسومات اللي بتبقى موجوجة على القماش، إلا رقما في ثوب فدا حلال.
