بتشوه التاريخ وبصمجية.. انتقادات واسعة لفدوى مواهب بسبب منشوراتها الأخيرة
تصدر اسم مخرجة الإعلانات فدوى مواهب تريند مواقع التواصل الاجتماعي خلال الساعات القليلة الماضية، بسبب منشوراتها الأخيرة عن الملك رمسيس الثاني، إذ أثارت موجة غضب واسعة بين مستخدمي السوشيال ميديا.
انتقادات واسعة لفدوى مواهب بسبب منشوراتها الأخيرة
وتعرضت مخرجة الإعلانات، فدوى مواهب لانتقادات واسعة، بسبب منشوراتها الأخيرة عبر حسابها بموقع التواصل الاجتماعي فيسبوك، وشاركت فدوى صورًا من المتحف المصري الكبير أمام تمثال رمسيس الثاني، وعلقت عليه بآيات قرآنية.
ولاقت منشورات فدوى مواهب، موجة واسعة من الغضب عبر منصات التواصل الاجتماعي، إذ كتب صاحب حساب:
هي مين فدوي مواهب دي وكل يوم تبلينا بتطرف أقذر من اللي قبله !!، هي دي اللي بيجيبوها تعلّم العيال دينهم بالإنجليزي مخرجة الإعلانات والكليبات، وفجأة بقت داعية!، اتفضلوا دلوقتي مركّبة آيات عن فرعون على مشاهد من المتحف المصري الكبير، اللي الدولة كلها بتخدم عليه علشان الافتتاح في يوليو الجاي، كمان متصورة قدام تمثال رمسيس التاني على أساس أنه فرعون موسي وكده! ليه كده؟ في أي بلد فيها قانون ونظام، التصرف ده مرفوض تمامًا، وبيتخذ ضده إجراءات قانونية، عشان رمسيس التاني واحد من أعظم ملوك مصر القديمة، ومش هو فرعون موسى زي ما البعض بيقول، لازم نحترم تاريخنا وما نسمحش بأي تجاوزات ضده.
وكتب مستخدم آخر عبر حسابه:
فاكرين فدوى مواهب؟ أيوه الناس من ايجبت بيجيبوها تعلم العيال دينهم بالإنجليزي، وللأسف سورية واتجنست مصري وابتدتها مخرجة إعلانات وكليبات صايصة، وهوووب بقت داعية ومركبة آيات عن فرعون على مشاهد من المتحف المصري! متصوره قصاد رمسيس التاني ليه طيب؟ دي المفروض تتسجن، وتتحط بلاك ليست لأى متحف مصري ورمسيس التاني هو أعظم ملوك مصر القديمة مش فرعون موسى، يا بصمجية يا وارد نفايات الشام.
