صغير: هو ربنا ممكن يموت؟.. وعلي جمعة يرد
أجاب الدكتور علي جمعة، عضو هيئة كبار العلماء، على سؤال طفل نصه: هو ربنا ممكن يموت وإذا حدث ومات فإيه اللي هيحصل للدنيا اللي هو خلقها؟.
وقال علي جمعة عبر برنامجه نور الدين والدنيا: سؤال مينفعش لأن إحنا قولنا مفيش زمن حوالين ربنا لو إن ربنا انتهي من الحالة اللي كان فيها هيكون فيه زمن، وإحنا قولنا الشرط مفيش زمن وإلا مش هنفهم.
وتابع عضو هيئة كبار العلماء: هذا السؤال نسميه في العقيدة غلط، لأنه يفتقد شرط من الشروط والشرط موجود، مشيرًا إلى أن كل الكون قائم بالله، فلو لم يكن هناك إلهه لـ انتهى هذا الكون تمامًا.
ومن جهة أخرى، أجاب الدكتور علي جمعة، عضو هيئة كبار العلماء، على سؤال طفلة نصه: ليه ربنا سايبنا نعمل حاجات غلط وبعدين هيحاسبنا علىها؟.
وقال علي جمعة عبر برنامجه نور الدين والدنيا: لأنه أعطانا اختيار، وربنا خلقنا وأعطانا العقل وأعطانا الاختيار وأعطانا برنامج عن طريق التكليف عن طريق القرآن وعن طريق الأنبياء، افعل ولا تفعل، أوعى تسرق، أوعى تقتل، أوعى تكذب، اللي بنسميها المحرمات، صلي صوم حج زكي ودي اللي بنسميها الأوامر.
وتابع: أيضا رسم لنا الخريطة، افعل هذا ولا تفعل هذا وأعطانا عقل وأعطانا اختيار فأنا بحريتي أصلي أو مصليش وكلنا شايفين كده، أنا عايز أصلي ولا ما أصليش، أزكي ولا ما أزكيش، فربنا سبحانه وتعالى ترك لنا الاختيار ومن أجل هذا سيحاسبنا، فيأتي يوم القيامة يوم الحساب ويقول لي أمرتك أن تعين الفقراء وتخرج الزكاة فلماذا لم تفعل هذا الحساب فماذا أقول؟.
