شاب يروي مأساة تتعرض لها صغيرة بالتجمع الخامس: أهلها بيسبوها تشحت لوحدها ومصابة في راسها
نشر أحد مستخدمي مواقع التواصل الاجتماعي منشورا على حسابه الشخصي يروي فيه موقفا واجهه في الشارع مع صغيرة، وأثار المنشور تعاطف عدد كبير من المتابعين.
شاب يروي مأساة تتعرض لها صغيرة
قال مايكل مكرم في منشور كتبه على حسابه الشخصي على فيسبوك: كنت ماشي بالعربية الساعة 12 الظهر وبلف اليوتيرن قدام مول the nox في التجمع الخامس، لقيت على الجزيرة في نص شارع التسعين بنت عندها حوالي سنتين شكلها ولبسها مبهدل أوي وواقفة لوحدها على طرف الرصيف وواقف جنبها شاب لابس كويس وغالبًا بيحاول يفهم دي تايهة من مين.
وواصل: وقفت بالعربية وسألته قالي إنه هو كمان وقف لما لقاها واقفة على الرصيف وممكن تنزل الشارع وهي مش واخدة بالها -البنت صباع إيدها مفتوح جامد ووارم وشكله جرح بقاله فترة ومحدش نضفه وراسها فيها خبطة واضحة.
واستكمل: واحنا واقفين عرفنا من أمن المول وعمال النظافة في الشارع إن أهلها شحاتين سايبينها هناك من بعد الفجر وهيبقوا ييجوا كمان كام ساعة يكملوا شحاتة بيها.
وأشار إلى أنه والشاب وبعض من العاملين في المول من بينهم صاحبة صالون، اصطحبوا الصغيرة إلى القسم ليكتشفوا أنها ليست المرة الأولى التي يتم اصطحابها هناك، وقدم عدد كبير من الناس محضرًا ضد والدتها، حيث تستغل والدة الصغيرة ابنتها في التسول.
وأردف: الست اللطيفة صاحبة الصالون أخدت البنت الصالون ونضفتها وجابت لها لبس وأكل وعملت معاها الحاجات اللي المفترض إن الأم بتعملها لأطفالها في عالم الحيوان مش عالم بني آدم حتى.
