رانيا منصور: غادة عبد الرازق واثقة في نفسها ومش متسلطة
تحدثت الفنانة رانيا منصور، عن تعاونها مع الفنانة غادة عبد الرازق في مسلسل شباب امرأة، والذي يعرض حاليا بموسم رمضان الجاري.
وقالت رانيا منصور خلال لقائها مع القاهرة 24: غادة عبد الرازق عكس كل ما يقال عنها، هي ممثلة شاطرة قوي وواثقة في نفسها جدا، بالعكس هي ثقتها في نفسها مخلياها عايشة في أمان وسلام.
وتابعت رانيا منصور: أنا بجد استمتعت جدا بالشغل معاها والمشاهد اللي أنا كنت بمثلها قدامها أنا كنت ببقى مستمتعة حتى برد فعلها على الكلام اللي أنا بقوله.
وأضافت رانيا منصور: هي إنسانة حساسة جدا ولما بتمثل أنا بكون ثابتة بتفرج وبتعلم منها، هي شاطرة بشكل مش طبيعي والشغل معاها ممتع جدا ومعندهاش حتة الأنانية.
مسلسل شباب امرأة
ومسلسل شباب امرأة يشارك فيه عدد كبير من النجوم، على رأسهم النجمة غادة عبد الرازق، يوسف عمر، محمد محمود، محمود حافظ، عمرو وهبة، جوري بكر، دالية شوقي، والفنانة المغربية لينا صوفيا بن حمّان، حسن أبو الروس، رانية منصور، يوسف عثمان، طارق النهري، والعمل من إخراج أحمد حسن، وتأليف أمين يوسف غراب ورواية محمد سليمان عبد الملك.
