زوجة أمام محكمة الأسرة: جوزي مش معترف بوجودي في البيت
في دعوى طلاق غريبة، وقفت زوجة أمام قاضي محكمة الأسرة تشكو زوجها، مؤكدة أنه يعيش معها في نفس المنزل لكنه يتصرف وكأنها غير موجودة، لا يتحدث معها، ولا ينظر إليها، ولا يرد حتى على أسئلتها، وكأنها شبح.
الزوجة: بكلمه مايردش.. وكأن البيت فاضي
وقالت الزوجة، إنها لم تكن تتخيل أن حياتها الزوجية ستتحول إلى عزلة داخل منزل مزدحم بالصمت، مشيرة إلى أن زوجها لا يعاملها بشكل سيئ، لكنه ببساطة لا يعاملها على الإطلاق، مضيفة: أدخل أوضته ألاقيه بيتفرج على التليفزيون عادي، أسلم عليه مافيش رد، أكلمه في أي موضوع كأنه مش سامع، حتى لو وقفت قدامه مباشرة، يتصرف كأنه مش شايفني.
وأضافت أنها جربت كل الطرق لجذبه للحديث، بدءًا من سؤاله عن يومه، وانتهاءً بافتعال المشاكل، لكن دون فائدة، قائلة: حتى لو صوتي علي شوية، ولا كأني موجودة، ولو حصلت حاجة مهمة في البيت، يفضل ساكت وكأنها ما تخصوش.
الزوج: أنا مش شايف إن في مشكلة
من جانبه، دافع الزوج عن نفسه، مؤكدًا أنه لا يرى في تصرفاته أي خطأ، مضيفًا: أنا مش بعمل حاجة غلط، أنا بس بحب الهدوء ومش شايف سبب للكلام الكتير، طول ما كل واحد بيعمل اللي عليه، مافيش داعي للكلام الفاضي.
وبعد الاستماع للطرفين، قررت المحكمة تأجيل القضية.
