أقوال المتهم بقتل طفلة لسرقة قرطها الذهبي بالعاشر من رمضان: قولتلها اقلعي الحلق وربطت بوقها بقماشة وهربت
كشفت التحقيقات في واقعة مقتل طفلة على يد عامل جمع قمامة بغرض سرقة قرطها الذهبي وذلك بعدما قام بالسير وراءها في الشارع واستدرجها إلى مكان اعتاد الجلوس والنوم به لسرقة قرطها الذهبي وبعدما وصل إلى البيت قاما بالصعود إلى الطابق الثاني وما أن استفرد بها حتى قام بكل غلطة ووحشية بانتزاع القرط الذهبي من اذنتيها وقام بالإمساك بها وخنقها بيد ثم قام بوضع قطعة من الملابس على فمها ورقبتها ولم يتركها إلا عندما تأكد من مفارقتها للحياة وفر هاربا من مكان الواقعة بمنطقة العاشر من رمضان.
مقتل طفلة على يد بائع قمامة بالعاشر من رمضان
وحصل القاهرة 24 على نص التحقيقات في الواقعة وجاءت أقوال المتهم أمام جهات التحقيق بسؤاله ما تفصيلات ارتكابك الواقعة محل التحقيق؟
أجاب: اللي حصل إن أنا بقالي أكثر من سنة قاعد هنا في العاشر من رمضان وكنت بمشي أجمع حاجات من الزبالة وابيعها استرزق منها ومن حوالي أسبوعين أو أكثر كنت قاعد أدام جامع في المجاورة ٦٣ بفرز الزبالة المرحومة عديت عليا وشافت الحجات إلى أنا فارشها في الأرض وكان في وسطهم عروسة وعجبتها وقعدنا نتكلم شوية وسألتني عليها وأنا ساعتها شوفت في ودنها حلق ذهب سألتها هو ده حلق دهب قالتلي أه فانا اديته العروسة اللي معايا وأخدتها وروحت على بيت في المجاورة ٦٦ لسه بيتبني ومهجور كنت أنا رحته أكثر من مرة ببات هناك وطلعنا الدور الثاني.
وأضاف المتهم: بعدها قعدت أحيالها بلعب لقيتها في الزبالة وقولتلها اقلعي الحلق وأنا هجيبلك واحد أحسن منه وهي قلعت فرده وأنا حاولت اشد فردة الحلق الثانية من ودنها راحت صرخت وعيطت فحطيت ايدي على بوقها عشان اسكتها وقعدت اهديها وجبلت ازازة مياة غسلتلها وشها منها وقولتلها كل الحاجة اللي عجباكي معاكي اهيه وانا هاخد الحلق هابيعه واجيبلك واحد تاني زيه عشان ابوكي وأمك ما يزعقوش ليكي واجيب فلوس واجيبلك حاجات حلوة وقعدتها على رجلي وقعدت اهدي فيها بس هي صرخت تاني وأنا خوفت روحت جايب حتة قماشه كانت مرميه جنبي وروحت رابط بوقها وايديها بيها مع بعض وجيبت حتة قماشة صغيرة ربط رجلها بيها.
وتابع المتهم، ولما لقيتها ما بتتحركش انا خوفت ولميت حاجتي من المكان ونزلت جري من البيت روحت على الأردنية وركبت بعدها وروحت نازل علي عزبة الهجانة في مدنية نصر علي واحد سوداني اعرفه من أيام ما كنت قاعد هناك واديتهم الحلق وقولتله عاوز ابيعه فأخدوه مني واداني كيس مخدرات اسمها شابو وقالي ها يبيعوه ولو طلع ليا فلوس تاني ها يدهاني وغاب عليا ثلاثة أيام وروحتله قالي لسه مش باعوه وفضلت قاعد في الهجانة لحد ما الحكومة جت اخدتني وجابوني على هنا.
وبسؤاله ما هي ظروف نشأتك؟ أجاب: أنا مولود في المحمودية مركز ديروط محافظة أسيوط ومن حوالي اربع سنين نزلت علي القاهرة وروحت عزبة الهجانة وكنت بلم خردة هناك ومن حوالي سنتين تقريبًا جيت على العاشر هنا وبقيت الم خردة، وأنا كنت متجوز ومن حوالي اربع سنين مراتي رفعت عليا قضية طلاق ولسه ماشيه فيها.
