ندى رحمي عن تتحدث عن فترة ارتباطها: كان نكرة.. ومش عايزة الزعل يأكل من عمري
تحدثت الفنانة ندى رحمي، عن فترة ارتباطها، موضحة أنها كانت علاقة غير سوية وأنها استهلكت الكثير من طاقتها ونفسيتها، مؤكدة أنها عادت لنشاطها الرياضي من جديد لتخرج من أزمتها النفسية عقب الانفصال.
وقالت ندى رحمي، في لايف عبر حسابها بموقع إنستجرام: الفترة اللي فاتت حصلتلي حاجات كتير أوي، وحصلتلي إصابة قبل ما أسافر الإمارات بشهرين، حد كان بيمرني أون لاين من باب التماحيك وطلب مني أني أجري وركبتي طقت وعملت إشاعة ولقيت أن عندي قطع جزئي في الرباط الهلالي للركبة، طبعًا رقدت ووقفت تمرين لمدة شهر، ووقتها كنت مبسوطة أو مغيبة ولكني كنت بغرس وأنا مش واخدة بالي، ومكنتش حاسة أني بأكل كتير، وقعدت فترة طويلة وبعدين سافرت الإمارات والحمد لله خدت إقامة ذهبية.
وتابعت ندى رحمي: في الفترة دي انفصلت عن الشخص اللي كنت مرتبطة بيه، هو كان نكرة مش هعمله سعر واتكلم عليه، هو غار في داهية، وأنا لما بخلص علاقة بزعل على طاقتي ووقتي مش الشخص، كل علاقة بتاخد من قلبك وطاقتك والعلاقة دي طفتني بطريقة مش طبيعية، رجعت اتمرن في الجيم علشان محسش إني لوحدي والزعل ياكل من عمري.
وواصلت ندى رحمي: في الفترة دي كنت لوحدي وبتخطى كل حاجة لوحدي، وصلت لـ 115 كيلو وده مش سهل وده صعب عليا جدًا لأن شكلي اتغير وكل الخسارات كوم وخسارة صحتي كوم.
ندى رحمي
ومن ناحية أخرى، كانت أعلنت الفنانة ندى رحمي، فسخ خطوبتها، حيث كتبت عبر حسابها الرسمي على موقع التواصل الاجتماعي فيسبوك: الباب اللي يجيلك منه الريح سده واستريح.. وأنا قررت أعيش لـ نفسي واستريح.. سنجل بعون الله.
