ولعة الحقيقي.. عمر حسن: مكنتش مصدق إني مليش أهل ودورت عليهم سنين

تحدث عمر حسن، أحد خريجي دور الرعاية، عن تجربته الشخصية التي تشابهت حد التطابق مع شخصية ولعة في مسلسل ولاد الشمس والتي قدمها أحمد مالك.

عمر حسن: مكنتش مصدق إني مليش أهل ودورت عليهم سنين

وقال عمر حسن خلال استضافته عبر برنامج الستات مايعرفوش يكدبوا المذاع على قناة CBC وتقدمه الاعلاميتين مها الصغير ومها بهنسي: كنت بشوف إن أحمد مالك اللي قام بدور ولعة هو أنا وده لأني فضلت أدور على عيلتي لحد تالتة ثانوي وكنت مؤمن جدا إن ليا أهل، وإنه مش معقول يكون فيه إنسان ملوش أسرة.

وأضاف عمر حسن أنه ذهب إلى المكان الذي عثر عليه فيه وهو طفل وإلى البيت القديم، وقابل السيدة التي وجدته، لكنه رغم كل ذلك لم يصل إلى شيء، مؤكدا: كنت دايما بقول لنفسي إن ليا أسرة، وإنهم في يوم هيرجعوا يدوروا عليا لكن للأسف ده ما حصلش.

مع مرور الوقت، ومع دخوله إلى الجامعة، بدأ عمر حسن في تقبل الواقع، قائلا: قررت أشتغل على نفسي وأركز في دراستي، وقلت خلاص ده الواقع وبطلت أدور.

واستكمل قائلًا: كنت على طول بقول لإخواتي في الدار مش كل حاجة الأكل والشرب، إحنا محتاجين نأمن مستقبلنا، ازاي نخرج من البيت من غير ما يكون لينا خطة واضحة لازم نرتب امورنا ونركز على مستقبلنا.