شريف حافظ: بقينا محكومين بالاسم اللي بيبيع.. والنجم لو مختارش ورق كويس بينطفي

تحدث الفنان شريف حافظ، عن مشاركة الفنانين الشباب في الأعمال الفنية وترشيحهم لبطولة الأعمال، معربًا عن استيائه بسبب عدم إتاحة الفرص المناسبة للشباب.

وقال شريف حافظ، في لقائه مع القاهرة 24: بقى عندنا آفة في المجتمع هي الاسم اللي بيبيع، يعني كنا ممكن نشوف ممثل نقول ياه لو ياخدوه في الدور دا، يعملوا بيه دور صح وورق صح، وممكن ده يبقى حاجة كويسة فنشوف فيه كريم عبد العزيز وأحمد عز وأحمد السقا، ولكن دلوقتي بقينا محكومين بالاسم اللي بيبيع.

وأضاف شريف حافظ: النجم لو مختارش ورق كويس بينطفي، والشاب اللي طالع جديد لو اشتغل على ورق كويس بيبقى نجم، فإحنا مبقاش فيه مجازفة ولكن بقى فيه استسهال فني.

شريف حافظ

وعلى جانب آخر، حقق الفنان شريف حافظ، نجاحًا كبيرًا في السباق الرمضاني الماضي 2025، من خلال مسلسل أثينا، بطولة الفنانة ريهام حجاج، والعمل كان مكون من 15 حلقة وعُرض في النصف الأول من شهر رمضان الماضي.

يشار إلى أن مسلسل أثينا تدور أحداثه حول صحفية تُجبر على التقاعد والابتعاد عن مجال عملها لفترة بعد تعرضها لأزمة كبيرة في حياتها، لكنها تعود لممارسة المهنة من جديد بعد انتحار شقيقتها عبر عالم الدارك ويب، فتخوض رحلة محفوفة بالمخاطر داخل هذا العالم لاكتشاف أسراره ومخاطره.