شاعر يتقدم بشكوى ضد محمد رمضان في جمعية المؤلفين والملحنين ونقابة الموسيقيين بسبب أغنية قالوا إيه
كشف الشاعر الغنائي وليد رياض، تفاصيل تقدمه بشكوى ضد الفنان محمد رمضان والشاعر مصطفى حدوتة، في جمعية المؤلفين والملحنين، ونقابة المهن الموسيقية، بتهمة سرقة كلمات من أغنية أنا المليونير لـ رياض، في أغنية قالوا إيه لـ محمد رمضان.
شاعر يتقدم بشكوى ضد محمد رمضان في جمعية المؤلفين والملحنين
وقال وليد رياض، في تصريح خاص لـ القاهرة 24: أغنية أنا مليونير عملتها من 5 سنين واتنازلت عنها لـ منتجة اسمها منال البربري، واتفاجئت إن محمد رمضان منزل أغنية اسمها قالوا إيه، وواخد فيها جملتين من الأغنية بتاعتي اللي هي (أي أرض نزلتها كسبت فيها محبة أهلها)، الجملتين دول بتوعي منزلهم في الأغنية من 5 سنين، وقدمت النهاردة شكوى رسمية في جمعية المؤلفين والملحنين وهيستدعوا الشاعر مصطفى حدوتة.
وأوضح وليد رياض، أنه سيقاضي الشركة المنتجة لـ أغنية قالوا إيه لـ محمد رمضان، قائلًا: همشي في إجراءات إني أرفع قضية على الشركة المنتجة للأغنية وهوقفها على يوتيوب.
وأضاف وليد رياض: كنت بتواصل مع محمود رمضان وكان عايز يحل معانا ودّي ويكون في تعويض مادي، ولكن من بعد ما سافر أمريكا التواصل اتقطع والموضوع متحلش، ورجعت للشاعر مصطفى حدوتة قالي اعمل اللي أنت عايزه، وأنا كعضو جمعية المؤلفين والملحنين قدمت شكوى وهيستدعوه رسميًا.
وواصل: المنتجة بتاعة الأغنية قدمت شكوى في محمد رمضان في نقابة المهن الموسيقية، وهتقدم شكوى تانية في نقابة المهن التمثيلية.
