والد زيزو لـ القاهرة 24: مجلس الزمالك كتب النهاية باستبعاده من مباراة ستيلينبوش
كشف والد أحمد سيد زيزو لاعب الفريق الأول لكرة القدم في نادي الزمالك عن تطورات أزمة زيزو بشأن عدم تجديد تعاقده مع القلعة البيضاء.
تصريحات والد زيزو لـ القاهرة 24
وقال والد زيزو لـ القاهرة 24: مجلس الزمالك كتب النهاية باستبعاد زيزو من مباراة ستيلينبوش، ومحدش أتكلم معايا لـ عقد أي جلسات النهاردة وممكن يكونوا بيتكلموا عن جلسات روحانية بقى.
وأضاف: لو اتاخد قرار بـ تجميد زيزو يبقى زي الفل عشان يرتاح شوية، عاوز أعرف الناس في الزمالك بيفكروا إزاي، فشلوا فشل ذريع في ملف التجديد.
واختتم تصريحاته قائلا: توقيت اللي حصل مع زيزو صعب على نادي الزمالك، بدل ما تخلي اللاعب بتاعك يساعدك وتكسب مباراة ستيلينبوش وتتأهل إلى نصف النهائي وتاخد البطولة وكمان عندك ماتش نهائي كأس مصر وبطولة الدوري، بتاخد قرار باستبعاده وممكن تخرج من موسم صفري، مش عارف فعلا الناس دي بتفكر إزاي.
وفي السياق ذاته، قال مصدر في الزمالك لـ القاهرة 24: زيزو لن يشارك مع الزمالك في أي مباراة مقبلة، واللاعب تجاهل جلسة مع ميدو عقب مران اليوم.
وأكمل المصدر تصريحاته قائلا: والد زيزو أغلق هاتفه بعد تحديد موعد جلسة صباح اليوم، ويجب أن يتراجع اللاعب ويجدد للنادي حتى يعود للمباريات مرة أخرى.
