أول تصريح لـ أسرة مدير الباجور عقب وفاته: الوزير قاله قدم استقالتك وعنفه.. وسنتقدم ببلاغ للنائب العام وشكوى لرئاسة الوزراء
كشف وليد بسيوني شقيق مدير إدارة الباجور التعليمية، الذي توفي بعد لقائه وزير التربية والتعليم، تفاصيل جديدة بشأن وفاته.
وقال وليد بسيوني في تصريح خاص لـ القاهرة 24، إنه سيتم اتخاذ كافة الإجراءات القانونية والطرق الشرعية في نفس الوقت تجاه الواقعة، موضحا: هنقدم بلاغ للنائب العام ضد الوزير بشخصه وصفته، وهنقدم شكوي في رئاسة مجلس الوزراء.
أول تصريح لـ أسرة مدير الباجور عقب وفاته: الوزير قاله قدم استقالتك وعنفه
وأضاف: توجهت إلى محافظ المنوفية وقابلته أمس.. وعرفت إن اللي عمله الوزير مش من حقه، ومن حقه فقط لو عايز يعنف يعنف وكيل الوزارة ومدير المدرسة.
وتابع: زي ما شوفنا الفيديوهات، الموضوع واضح وصريح ومش زي ما قال مدير المدرسة أنا مشوفتش وكل الكلام ده ملوش قيمة وعار من الصحة، لأن الفيديو بيوضح إن أسامة بسيوني مدير إدارة الباجور التعليمية استقبل الوزير وسلم عليه ودخل معاه المدرسة، وفي أقل من 5 ثواني خرج أسامة وهو حاني راسه وباب المدرسة اتقفل وراه.. والكلام اللي اتقاله أنت مين؟ واسبقني على المكتب.. وابعتلي استقالتك وأنت واقف ليه؟، كل الكلام ده مظبوط وهو اللي ماشي في الصورة اللي قدامنا.
وأوضح: كان سؤالي للمحافظ إيه الإجراء اللي تم اتخاذه؟، ورد المحافظ إنه أبلغ رئاسة مجلس الوزراء.. وأشاد بإدارة أسامة وكل ده باين من تقارير المحافظة ومن عدة أشهر قليلة إدارة الباجور برئاسته خدت الإدارة المثالية من المحافظة.
