أيمن يونس: حزين على زيزو.. والنوايا بين الزملكاوية لازم تنضف
وجه أيمن يونس نجم الزمالك السابق، رسالة إلى مسؤولي ورموز القلعة البيضاء في ظل الأزمات التي يعاني منها النادي، والإقصاء من بطولة كأس الكونفدرالية الإفريقية بعد الخسارة أمام فريق ستيلينبوش الجنوب إفريقي.
أيمن يونس يوجه رسالة إلى مسؤولي ورموز الزمالك
وكتب أيمن يونس عبر حسابه الشخصي على موقع إكس: ما هي لازم النوايا تنضف بين كل الزملكاوية، لو عايزين ترجعوا للطريق السليم، لإن دي أهم وأقسي وأسوء مشاكلنا.
وأضاف في تدوينة أخرى: أنت عارف يا زيزو أنا زعلان عليك ليه، لأنك اخترت سنتين تلاتة يزيد فيهم رصيدك البنكي 40 أو 50 مليون عن المعتاد، بس في المقابل خسرت 40 أو50 سنه تعيشهم واحد من الجمهور.
وكان أيمن يونس وجه الدعوة إلى رموز نادي الزمالك ورؤساءه السابقين لحل أزمات النادي، حيث قال في تصريحات تلفزيونية: نادي الزمالك كبير أوي، وأنا بوجه الدعوة لكل رؤساء الزمالك علشان يقعدوا مع بعض.
وتابع: هكلمهم السبت والأحد وهدعو كل اللي عايش كابتن حسين لبيب، الاستاذ ممدوح عباس، المستشار مرتضى منصور والدكتور كمال درويش، وهستضيفهم عندي في البيت والقعده دي لازم تتم بجد وهكلم كل واحد منهم،
وشدد: إحنا في مرحلة خطر بجد والزمالك بيتم تفريغه من نجومه وسهل يحصل كدة، ولو الأربعة مأعلنوش إنهم ايد واحدة باسم الزمالك، يبقى هنفصل في مشاكل كتيرة، ولجانهم مبهدلة نادي الزمالك وحوارتهم تاعبه الزمالك وخلافتهم مقسمة النادي.
واختتم أيمن يونس تصريحاته: حلوا مشاكلكم جوا البيت، واعيدوا احترامكم من جوا نادي الزمالك ومن خلاله، وإذا حد منهم رفض يبقي شايف نفسه حاجة تانية.
