المتهم بالاعتداء على رئيس مدينة العسيرات بسوهاج: كنت ببني منزلا لأسرتي وتم إهانتي وتجاهل توسلاتي
قال حسين أبو الوفا، المتهم بالاعتداء على رئيس مجلس مدينة العسيرات بسوهاج، إنه كان يقوم بأعمال بناء في قطعة أرض بمنطقة أولاد جبارة، بغرض توفير سكن لأسرته، إلا أن حملة من مجلس المدينة حضرت إلى الموقع وأزالت أجزاء من المبنى.
وأضاف حسين لـ القاهرة 24: أنا ببني بيت لأسرتي على أرضي، ومكنش معايا ترخيص، لكن حاولت كتير أخلص إجراءات الترخيص، ومفيش حد كان بيساعد، في يوم الواقعة، كنت بشتغل في البناء وفوجئت بالحملة بتشيل 6 قواعد من البيت، حاولت أتكلم مع رئيس المدينة وأتوسل له يسبني أكمل، خاصة بعد ما خسرت حوالي 50 ألف جنيه، لكن كل اللي طلبته إنه يساعدني أستر بيتي.
وتابع: اللي خلاني أنفعل هو إنه شتمني وأهاني قدام الناس، وأنا مكنتش أقصد التعدي عليه، لكن كنت في حالة غضب شديد بسبب كل اللي حصل.
وأشار إلى أن هناك العديد من المخالفات في المنطقة لم يتم التعامل معها، متسائلًا عن معايير التنفيذ وانتقائية الإزالة قائلًا: ليه أنا بس اللي يتم التعامل معايا؟ في بيوت كتير مبنية مخالفة ومحدش بيقرب منها.
