فتاة تتهم سائق إندرايفر بالتحرش: كان هيشرّبني سجاير ومنعني من النزول ولمس رجلي
زعمت فتاة في منشور لها على موقع فيسبوك، تعرضها لمضايقات من أحد السائقين على تطبيق اندريفر.
وكتبت في المنشور: "يا جماعة بلاش حد يركب اندرَايفر، أنا النهارده رايحة الجامعة زي الطبيعي، وطلبت اندرَايفر، ركبت معاه، لاقيته بيقولي: إنتي بتدخني؟ قولتله: لأ، وسكت. وبعدين في نص الطريق لاقيته بيلف وشه وبيديني علبة السجاير وبيلمس رجلي!
اتخضيت طبعًا، وقلتله: أنا قلتلك مش بشرب ومش هدخن، فضل يتحايل عليا عشان آخد سيجارة منها، ويقولي: شميها، ريحتها نعناع، ومعاه كوباية".
فتاة تتهم سائق إندرايفر بالتحرش: كان هيشرّبني سجاير ومنعني من النزول ولمس رجلي
وأضافت: "عمال يقولي اشربي شاي، والله أعلم فيها إيه، جيت أفتح الباب عشان أنط، لاقيته قافل الباب عليا، نظراته كانت وحشة جدًا، قعدت أتكلم معاه عشان أعرف أنزل".
وتابعت: "وقولتله: ممكن لو فاضي ترجع تاخدني عشان أقدر أنزل؟، وقعد يسألني: إنتي عايشة لوحدك ولا معاكي حد؟، قولتله: هنزل أدي حد غلبان فلوس في الشارع، ماكنش راضي، وقالي: هقف وهي تجيلك، بس إنتي متنزليش!، قعدت أقوله: لا، هي مش هتقدر تقوم، نزلني!، المهم، كان عنده إصرار إني أشم السجاير أو أشربها.
وأردفت: "نزلت جريت على حد كان واقف، وهو جه اتخانق معاه وخلاه يمشي، والحمد لله ربنا ستر، قعد يرن عليا بعديها، والراجل اللي وقفته رد عليه، قاله: هنعملك محضر، وزعقله جامد، والحمد لله ربنا عداها على خير، ومش هتتكرر تاني إني أركب اندرَايفر".
