هايدي موسى تكشف معاناتها مع التنفس: انقطع نفسي بشكل مؤقت أثناء النوم
كشفت الفنانة هايدي موسى، معاناتها من مشكلة التنفس، مشيرة إلى أن الأمر تدهور معه وأصبحت تشعر بضيف تنفس أثناء النوم.
وكتبت هايدي موسى، عبر خاصية ستورى على حسابه الشخصي بموقع انستجرام، وقالت: عندي مشكله بقالي سنين إني بتنفس من الفم بسبب الجيوب الأنفية والتضخم، المهم النهاردة، قررت ابتدي اتنفس من مناخيري لأن الموضوع وصل بيا لمرحلة انقطاع النفس المؤقت أثناء النوم وبقيت مرحلة وحشة.
وتابعت هايدي موسى: اكتشفت تقريبًا إني مكنتش بتنفس ودوخت ومعرفتش أكمل فـ لو أي حد زيي عايزة أقولك لازم نعود نفسنا على الأقل كل يوم 15 دقيقة.
وكانت كشفت هايدي موسى عدم رضاها عن عدد من الأعمال الغنائية التي قدمتها في بداية مشوارها الفني، بجانب حديثها عن مشاركتها في برامج اكتشاف المواهب، وإمكانية تقديمها أغنية راب أو مهرجانات شعبية.
وقالت هايدي موسى، في تصريحات تليفزيونية: أنا بحاول أوازن بين الأغاني الطربية والأغاني اللي بيحبها الجمهور، وبحاول طول الوقت أفرض الحاجة اللي مصدقاها وحباها للجمهور، وخلال مشواري قدمت أغاني مش راضية عنها، لأن المنتجين بيقولوا مش لازم أعمل بس اللي بحبه، لكن أقدم الحاجة اللى بيحبها الجمهور، لكن المزيكا اليومين دول اتطورت بشكل كبير، والحاجة الوحيدة اللي محدش بيختلف عليها هي الكلمة الحلوة والمعنى.
وأشارت هايدي موسى إلى أنها تحب جميع الألوان الغنائية لكن تحفظها فقط على الكلمة البذيئة، مضيفة: بحب أغني الأغاني اللي مصدقاها، وعشان كده صعب أقدم راب أو مهرجانات.. ده مش الاستايل بتاعي.
