ريهام حجاج عن التعليقات السلبية بمواقع التواصل: بيصعبوا عليا.. وحظي حلو علشان باخد حسنات
كشفت الفنانة ريهام حجاج موقفها من التعليقات السلبية والنقد غير البناء لـ الجمهور خلال مواقع التواصل الاجتماعي، مشيرة إلى أنها تعتبرها حسنات تكتسبها من ردود أفعالهم.
وقالت ريهام حجاج خلال ندوتها في القاهرة 24: ردود الأفعال الحادة على مواقع التواصل الاجتماعي لها علاقة بـ حاجتين، بيكون في حسابات مدفوعة، أو ناس بتصلي وبتصوم بس هتلاقي نفسها وهي وافقة قدام ربنا واخدة ذنوب كتير عشان بتشتم الناس.
وأضافت: لما بتعرض لـ انتقاد حاد بشوف إن أنا حظي حلو باخد حسنات، الناس بتشوفها سهلة ولعبة بس هي ليها حساب، الكلمة هتتحاسب عليها، وبيصعبوا عليا أوي بيضيعوا أخرتهم عشان إيه؟، بتعمل في نفسك كده ليه؟، إحنا أصلًا بنتحاسب على النفس والنية والبصىة، ليه كمية الذنوب دي كلها؟
وفي وقت سابق، تحدثت ريهام حجاج عن حرصها الشديد على تقديم الدعم المجتمعي والخيري، معتبرة أن هذا النوع من الأعمال هو تجارة مع الله.
وأردفت: أنا بحب الشغل الخيري جدًا، وبتعامل مع مؤسسات كبيرة وبنتابع حالات إنسانية بيكونوا محتاجين دعم، ولما أقابل ربنا حابة يكون عندي رصيد غير شغلي.
أعمال ريهام حجاج
وحققت الفنانة ريهام حجاج نجاحًا كبيرًا في موسم رمضان الماضي 2025، من خلال مسلسلها أثينا، والعمل من بطولة أحمد مجدي، عمر السعيد، نبيل عيسى، سوسن بدر، محمود قابيل، سلوى محمد علي، تامر هاشم، علي السبع، أحمد قنديل، ميران عبد الوارث، چيدا منصور، چنا الأشقر، شريف حافظ، دونا إمام، مريم الفرجاني، ياسمين الهواري، وهو من إخراج يحيى إسماعيل وتأليف محمد ناير.
