27 أبريل.. أولى جلسات محاكمة المتهم بإنهاء حياة زوجته بمدينة بدر
قال المحامي ياسر سيد، إن المحكمة المختصة، حددت جلسة 27 أبريل المقبل، لنظر أولى جلسات محاكمة المتهم بإنهاء حياة زوجته بمدينة بدر التابعة لمحافظة القاهرة.
جريمة مدينة بدر
وكشفت التحقيقات في واقعة مقتل زوجة على يد زوجها في مدينة بدر، عن أن الواقعة بدأت بسبب نشوب خلافات بينهما، فأقدم الزوج على الإمساك بملاءة السرير وطوق بها عنق زوجته واستمر في خنقها حتى لفظت أنفاسها الأخيرة.
وحصل القاهرة 24 على نص التحقيقات في القضية، حيث جاءت أقوال والد المجني عليها أمام جهات التحقيق كالآتي: اسمي ياسر. م. أ، واللي حصل أن بنتي نيرة عندها ٢٤ سنة وكانت متجوزة من رمضان عبد الله بقالهم حوالي ٥ أو ٦ سنين وكانوا عايشين في المنيا، وعندهم يونس وإحسان وشهرتها مريم وكان في مشاكل بينه وبين بنتي لأن هو ماكنش بيشتغل خالص وكان بياخد عفش البيت يبيعه.
وأضاف والد المجني عليها: ومن حوالي 3 سنين حاول يموت نبرة وراح جاي خنفها بس البنت هربت منه وجت على بيتي في التجمع الأول ولما سألته عملت كدة لية قالي إن هو مش ها يعمل كدة تاني وإن ربنا هداه وبدأ يصلي وعرفت من بنتي إنه علشان كان عاوز يبيع التلاجة بتاعة الشقة، ومرة ثانية حاول يموتها من حوالي سنة وكانت عندهم في البيت في البلد، وكان هيفطسها بالمخدة، وكان حاططها على وشها وابوه الى حاش عنها وقتها.
وتابع: من حوالي عشر شهور هو كان رامي عليها يمين الطلاق في الشارع لان هو كان مانعها تيجي تزورنا ولما قالتله ها روح ازور ابويا وأمي راح رامي عليها اليمين واتخانق معاها، ولما نيرة كانت عندي كان معاها ولادها واحسان بنتها تعبت وجالها التهاب رئوي وجريت بيها على المستشفيات وبعدها بـ3 أيام جه رمضان وخد البنت من الحضانة، ووداها للدكتور ورجع بالليل كان معاه روشته وقال إنه مش معاه فلوس يجبها وقالى مش مهم تجيبوها هي كده كده هتموت.
