أول تعليق من طارق نور بشأن حديث الرئيس السيسي عن الدراما
علّق طارق نور، رئيس مجلس إدارة الشركة المتحدة للخدمات الإعلامية، على حديث الرئيس السيسى عن الدراما.
أول تعليق من رئيس المتحدة على حديث الرئيس السيسى عن الدراما
وقال نور، خلال لقاء أجراه الإعلامي سعيد جميل ببرنامج kwn trending عبر قناة القاهرة والناس: لما رئيس الجمهورية يقول خلى بالكم من حاجة مش معقول إني محترمش حاجة زى كده ومبصلهاش وماخودهاش جد! وهو عمره ما منع ولا قال حاجة، وأي بلد عربي رئيسها هيقول احنا كمصريين هنحترم ده قبلهم حتى، وعمرنا ما هنعمل حاجة تمس البلد اللى قدامنا وهمّ زعلانين منا أو شايفينها زيادة عن اللزوم.
وتابع: الرئيس ممنعش، الرئيس بيقول خلى بالكم يا ناس ياللى بتعملوا المحتوى.. دى مناعة وليس منع، من يدير البلد عندهم مسئولية مجتمعية، وأنت ممكن تشوف حاجة تعتبرها جدعنه لكنها بتؤثر على المجتمع.
واختتم: البلطجة مش ممنوعة أنك تعرضها، لكن أنك تتكلم بصوت معين دا مش حقيقى ويقولك دا اللى بيحصل فى مصر.. وحقيقى مش دا اللى بيحصل فى مصر.. وتبص تلاقى كله بيقلد ده يحلق حلقة وموس.
