ريم البارودي: ممكن أبقى زوجة تانية وتالتة ورابعة.. ومعنديش عقدة من كده
تحدثت الفنانة ريم البارودي، عن إمكانية زواجها من رجل متزوج، موضحة أنها تقبل أن تكون زوجة ثانية وليس لديها عقدة كما كانت في سن المراهقة.
وقالت ريم البارودي، في تصريحات تليفزيونية: ممكن أبقى زوجة تانية وتالتة ورابعة وخامسة، ومعنديش عقدة من كده، العقدة كانت زمان لما كنت صغيرة أيام المراهقة، وبشوف ده في الخليج بس بيعدلوا.
ريم البارودي: معشتش علاقة زوجية متكاملة
وعلى جانب آخر، سبق وأن تحدثت الفنانة ريم البارودي، عن علاقاتها العاطفية، حيث قالت في تصريحات تليفزيونية: معرفش أنا فشلت في علاقاتي العاطفية ولا لاء يمكن الطرف التاني هو اللي فاشل، ومتعقدتش من الجواز، ولكن أنا معشتش الحياة الزوجية المتكاملة، مكنش عندي بيت وطفل وأبقى مسؤولة، والرجالة طيبين إلى أن يثبت العكس.
وواصلت ريم البارودي: مش عايزة أتكلم عن زوجي الأول، الجوازة التانية أحلى طبعًا مفيش مقارنة بالأولى مع أنها انتهت بالانفصال، وأنا بعد ارتباطي بزوجي السابق وهو فنان معروف وكانت الخلافات مشاع قدام الناس أنا قررت أني مش هتكلم في الحاجات دي تاني.
آخر أعمال ريم البارودي
ومن ناحية أخرى، يعتبر مسلسل جوما، آخر أعمال الفنانة ريم البارودي، الذي تعاونت خلاله لأول مرة مع الفنانة ميرفت أمين، وعُرض في السباق الرمضاني الماضي 2025.
