بـ لبن تعلن إعادة فتح كل الفروع والمصانع التابعة لها بعد حل الأزمة.. غدًا
أعلنت شركة بـ بلبن إعادة فتح جميع الفروع والمصانع التابعة للشركة بداية من الغد، بعد إنهاء الأزمة مع الجهات المعنية، حسب بيان صادر من الشركة منذ قليل.
بـ لبن تعلن إعادة فتح كل الفروع والمصانع التابعة لها بعد حل الأزمة.. غدًا
وأضاف البيان: رجعنا خلاص.. وخلاص أبوابنا هتفتح من بكره تاني، الأزمة كانت محنة كبيرة قوي، وكانت اختبار حقيقي، وقفنا فيه مع نفسنا، وحسينا بقيمة نِعَم ربنا، وقيمة الناس اللي كانت سند حقيقي وقت الشدة.
وأكمل البيان، ناس كتير بان أصلها وقت الأزمة، وعرفنا إن الرجالة الحقيقيين بيبانوا لما الأيام تضيق، والحمد لله خلاص، مش مجرد فروع هترجع تشتغل، دي رجعة روح.. رجعة كرامة.. رجعة حلم كان بيضيع.. لكن ربنا أنقذه بلطفه، راجعين علشان آلاف لسه شايلين الحلم جوانا، راجعين علشان نكمّل المشوار اللي بدأناه وصدقناه.. شكرًا لكل اللي استحمل، لكل اللي صبر، لكل اللي آمن إننا هنعدي، وعدّينا.
وتوجهت بلبن بالشكر لكل الداعمين لها، قائلة: كل الشكر لكل اللي قال كلمة طيبة ووقف جنبنا، وجميلكم في رقبتنا، وراجعين ليكم وأقوى بيكم، وشكرًا من القلب الرئيس عبد الفتاح السيسي، ولكل أجهزة الدولة المصرية اللي دعمت الحلم بتاعنا وأنصفت مجهود سنين، وشكر خاص للفريق كامل الوزير، اللي كان دايمًا نموذج للمسؤول الوطني، وسند حقيقي وقت الأزمات.
