الملعب ولع.. أول تعليق لـ معلق الدورات الرمضانية أبو سماح بعد تصدره التريند: أندية كتير عرضت عليا شغل
تصدر اسم أبو سماح صاحب تريند الملعب بيولع، محركات البحث ومنصات التواصل الhجتماعي، خلال الفترة القليلة الماضية، حيث يعد واحد من أشهر المعلقين الرياضيين في الدورات الرمضانية لعام 2025.
وقال تامر ياسر شعبان، ابن قرية كفر الترعة الجديدة مركز شربين الدقهلية، صاحب الـ 45 عامًا، معلق الدورات الرمضانية وصاحب تريند الملعب بيولع، في تصريحات خاصة لـ القاهرة 24: أنا شغال موظف بشركة مياه الشرب والصرف الصحي بالدقهلية، ومن 5 سنوات بدأت العمل في مجال التعليق الرياضي بالدورات الرمضانية ومراكز الشباب.
تريند الملعب بيولع
وتابع أبو سماح، معلق الدورات الرمضانية وصاحب تريند الملعب بيولع: من بعد تصدري الترند بدأ يتعرض عليا شغل إعلانات، والناس كلها بقت عارفاني في الشارع، وجالي فرص شغل في الخارج لكن رفضت السفر بسبب الالتزامات في مصر، واتعرض عليا عروض من أندية درجات، ولكن أنا مقدرش أذيع في ماتشات كبيرة لإني معلق شعبي وبتاع الغلابة، الناس عرفتني بالشكل دا.
وأضاف أبو سماح، صاحب تريند الملعب بيولع، كل إنسان عارف قدر نفسه، وأنا مقدرش أعلق من داخل ستديو أو غرفة مغلقة، لازم أكون وسط الجمهور واللعيبة وأتفاعل معاهم خلال المباريات، عشان كدا رفضت عروض الأندية.
المعلق الرياضي أبو سماح وتريند الملعب بيولع
واستكمل أبو سماح: اللاعب محمد أبو تريكة أصبح يستخدم عباراتي في الاستديو التحليلي، وكل الناس على السوشيال ميديا بقت تعتمد على عباراتي وإفيهاتي في وصف المواقف، وطول الوقت بيشاركوا فيديوهاتي، والحمد لله الناس كلها حبتني، ودي حاجة مفرحاني، وقبل الماتشات أنا مبجهزش أبدًا الكلام اللي هقوله، ولكن التعليق بيتعمد على الموقف، والمشهد هو اللي بيحكم بالإفيه.
وأردف أبو سماح، صاحب تريند الملعب بيولع: عمري ما كنت أتوقع إني أصبح تريند، وأنا بقالي 5 سنوات بعلق في الدورات الرمضانية، والسنة اللي فاتت كانت الناس بتشارك فيديوهاتي، لكن السنة دي التريند أكبر وأصبح منتشر بشكل كبير، ولحد النهاردة لسه الناس بتنشر فيديوهاتي وبتداولي عباراتي اللي كنت بقولها في الملعب، وأكتر حاجة بتمناها من ربنا إنه يفرحني ببنتي سماح وأشوفها عروسة، ويباركلي في إخواتها الولاد.
