الصفقات مش للشعارات.. تعليق مثير لـ شوبير على اقتراب بن رمضان من الأهلي
علق الإعلامي أحمد شوبير، على اقتراب التونسي محمد علي بن رمضان لاعب فيرينتسفاروشي المجري، من الانتقال إلى صفوف الأهلي خلال الانتقالات الصيفية المقبلة.
تعليق مثير لشوبير على اقتراب بن رمضان من الأهلي
وقال شوبير في تصريحات إذاعية: كل المؤشرات تقول إن محمد علي بن رمضان مضى على عقود انتقاله إلى الأهلي، والسنة اللي فاتت كل الصفحات والمواقع كانت بتتكلم فعلًا عن الصفقة، لكن المرة دي مفيش نفس الشغف والحماس اللي كان موجود بغض النظر عن حزن الجماهير من وداع دوري أبطال إفريقيا.
وتابع شوبير تصريحاته: أنا دائمًا عندي وجهة نظر، الصفقات طبقا للاحتياجات مش للشعارات، مين في الدنيا يقدر يتكلم على أشرف بن شرقي ولا تريزيجيه ولا جراديشار؟، 3 صفقات تقال والأهلي محتاجهم زي ما الزمالك جاب عبد الله السعيد لعيب هايل والزمالك كان محتاجه جدا.
واختتم: فالصفقات طبقا للاحتياجات مش للكلام والشعارات والحاجات دي كلها، وأنا شايف إن لازم النادي يشوف احتياجاته إيه غير إن الأهلي جايله مدرب جديد خلال أيام، وأنا عارف إن الاتصالات مكثفة جدا الفترة الحالية.
وفي سياق متصل، علم القاهرة 24 من مصادره، أن التونسي محمد علي بن رمضان وافق على شروط الأهلي المالية، من أجل الانضمام إلى المارد الأحمر خلال الصيف المقبل وقبل كأس العالم للأندية.
ووفقًا لما علمه القاهرة 24، فإن النادي الأهلي ينتظر موافقة ناديه المجري على العرض المالي المقدم من الأحمر، لحسم الصفقة بشكل رسمي.
