اتعرض علينا وزنه دهب عشان نتنازل ورفضنا.. أول تعليق من والد ياسين طفل دمنهور|خاص

تصدر طفل دمنهور ضحية الاعتداء تريند مواقع التواصل الاجتماعي، خلال الساعات القليلة الماضية.

أول تعليق من والد ياسين طفل دمنهور

وقال والد ياسين ويُدعى  م.ب في تصريحات خاصة لـ القاهرة 24: خلال المفاوضات الودية عشان نتنازل عن قضية الولد، اتعرض علينا دهب بوزنه ورفضنا وقتها.

وأضاف: الناس اللي بتقول وديت ابنك المدرسة ليه بعد ما اكتشفت الموضوع والاعتداء اللي حصل، أحب اقولهم إن الولد مراحش من شهر يناير أكيد مش هسيب ابني، وبالنسبة للجلسة بكرة فهي لتقديم المرافعات، وإن شاء الله متفائل خير والأحسن ننتظر نتيجة المحكمة هي اللي هتقول كلمتها  في الآخر وبلاش نسبق الأحداث ومش هسيب حق ابني خالص ومعاه للآخر.

 وتابع: يا ريت محدش من الناس يستغل الموضوع،  لو أنا بدوّر على تريند كنت أول واحد طلعت اتكلمت أنا وزوجتي والولد نفسه.

وفي سياق متصل، حددت محكمة جنايات دمنهور غدا الأربعاء، أولى جلسات نظر قضية محاكمة المتهم بالتعدي على التلميذ واستدراجه لهتك عرضه، وذلك طبقا لما أكده الطفل في التحقيقات وما أقرته والدته من إفصاح التلميذ لها بما تعرض له.