سيدة بالمنيا تستغيث: بعت دهبي وعملت قروضًا علشان أعالج جوزي.. اتدهس من طفل وفقد الذاكرة

ناشدت سيدة من محافظة المنيا الجهات المعنية بسرعة التدخل لرد حق زوجها، عامل دليفري، بعد أن تعرض لحادث دهس مأساوي أثناء أداء عمله على يد طفل يقود سيارة بدون رخصة، ما أدى إلى إصابته بفقدان كامل في الذاكرة وإعاقة جسدية أفقدته القدرة على العمل.

سيدة بالمنيا تستغيث: بعت دهبي وعملت قروضا علشان أعالج جوزي

وتروي الزوجة المكلومة تفاصيل الواقعة قائلة: جوزي كان بيشتغل دليفري علشان يصرف علينا أنا وأولادي التلاتة، وفي يوم خرج يشتغل زي كل يوم، لكن راح وما رجعش، جالي خبر إنه اتدهس من طفل سايق عربية والده، ومن ساعتها وهو في غيبوبة شبه كاملة، فقد الذاكرة، ومبقاش يعرف حتى أولاده.

وأضافت: اضطريت أبيع دهبي، وأخدت قروض كتير علشان أقدر أعالجه، ومش عارفة أرجع الفلوس دي، ومفيش أي جهة ساعدتنا ولا حتى سألوا فينا.. عايزين حقنا بالقانون، هو خرج يشتغل مش علشان يرجع عاجز.

وأوضحت الزوجة أن التقارير الطبية أكدت إصابة الزوج بعجز شبه كلي، مع فقدان في الإدراك والذاكرة، مما يتطلب علاجًا طويل الأمد وتكاليف باهظة، مطالبة بمحاسبة المسؤولين عن الحادث، خاصة أن مرتكبه كان طفلًا لا يملك رخصة قيادة.

واختتمت الزوجة حديثها بنداء إنساني إلى المسؤولين وذوي القلوب الرحيمة: أنا مش بطلب غير حق جوزي اللي اتحرم من حياته بسبب استهتار طفل، وولادي محتاجين يعيشوا بكرامة.