كامل الوزير يطمئن المستثمرين: مفيش حاجة اسمها اقفل واسجن.. الرئيس وجه بعدم إغلاق المصانع
قال الفريق كامل الوزير، نائب رئيس مجلس الوزراء للتنمية الصناعية وزير الصناعة والنقل، إن الحكومة ملتزمة بتوجيهات الرئيس عبد الفتاح السيسي بعدم إغلاق المصانع والعمل على تصحيح أوضاعها.
كامل الوزير: أخدت توجيه من الرئيس إننا مش هنقفل مصنع ولكن نصحح أوضاع المصانع
وتعقيبا على أزمة بلبن، أوضح الوزير خلال تصريحات تليفزيونية، مساء السبت: الموضوعات بتتحل ومفيش حاجة اسمها اغلق واقفل واسجن، أنا أخدت توجيه من الرئيس من وقت تعيينى وزير للصناعة إننا مش هنقفل مصنع ولكن نصحح أوضاع المصانع، وبنقنن غير المقنن.
وواصل: على مسئوليتى مصانع بلبن أجزخانة حاجة نضيفة.. منافذ البيع حاجة نضيفة، مفيش مانع إن احنا في الصيف نلاقى ذبابة أو طير في المصنع أو غرفة دا مهم ولكن لا يرتقي لإغلاق المصنع، وهم بيجيبوا لبن مبستر من الشركات، وما قولناش لعمال بلبن ولا كلمناهم يعملوا فيديو وهم متصورين بعلم مصر ويعبروا عن فرحهم وسعادتهم.. دول عملوا كده حبا فى بلدهم ورئيسهم.
