يحيى الموجي: فخور باكتشافي صوت ذكرى في مصر.. ومش عارفين زوجها قتلها ليه
كشف الموسيقار يحيى الموجي، تفاصيل علاقته واكتشافه لـ المطربة الراحلة ذكرى، موضحًا أنه أول من اكتشف صوتها وقدمها للوسط الفني المصري، بجانب حديثه عن مقتلها على يد زوجها.
وقال الموجي، في تصريحات تليفزيونية: كنت بسجل في ليبيا وهي كمان كانت بتسجل هناك، ولما سمعتها وقلت إيه الصوت اللي بيغني ده؟، ده خطير وعرفوني على ذكرى وقولتلها تعالي مصر علشان الانطلاقة من مصر، وبقيت كل شوية أكلمها علشان تيجي لغاية ما جت مصر وخدتها من إيديها وكلمت صلاح الشرنوبي وعملنا ليها أغنية وحياتي عندك، وقولتلها أنا عارف أنك هتنجحي وهتبقى نمرة واحد.
وعن نجاح ذكرى السريع في مصر، فعلق يحيى الموجي: هي كانت في منتهى السعادة اللي في الدنيا وأنا فخور أني مكتشف الصوت ده، ويوم الاغتيال قالتلي عدي عليا وكنت هروح ليها ولكني انشغلت ومرحتش.
يحيى الموجي: زوج ذكرى كان عصبي.. ومش عارفين سبب قتلها
وعن سبب قتلها على يد زوجها، فعلق يحيى الموجي: مش عارفين إيه سبب اغتيالها، هل كان غيور زيادة عن اللزوم.. في حاجة مش مفهومة، كانت بتقول أنه عصبي بشكل مش طبيعي ومكنتش بتكلمني قدامه، هو كان مجنون بيها.
