عمرو سلامة: اتحبست في حتة المخرج المثير للجدل بسبب تصريحاتي
قال المخرج عمرو سلامة، إنني أعد من المخرجين المثيرين للجدل بسبب تصريحاتي وأرى ذلك منطقيا بسبب عصر السوشيال ميديا.
وقال سلامة: اتحبست في حتة المخرج اللي تصريحاته مثيرة للجدل، ولما كنت بسمعهم زمان بيقولوا إيناس الدغيدي وخالد يوسف ويوسف شاهين بيقولوا كلام جدلي مكنتش بفهم ليه.
وتابع عمرو سلامة في تصريحات تليفزيونية: ساعات مش بستحمل كم الهجوم اللي بقابله على السوشيال ميديا بسبب تصريحاتي، وأي تصريح بقوله في عصر السوشيال ميديا بحس كأني ماشي على ألغام وممكن أفجر قنبلة في أي وقت، لأن الشهرة فاتورتها غالية.
عمرو سلامة يتحدث عن مسلسل ساعته وتاريخه
كما تحدث عمرو سلامة، عن تقديمه لبرنامج كاستنج، ووصفه كتجربة مختلفة تماما، كما أعرب عن سعادته بمسلسل ساعته وتاريخه، وقال: برنامج كاستنج عرّفني على معاناة الممثل اللي مكنتش أعرف إنه بيمر بيها، ومسلسل ساعته وتاريخه فكّرني بالواقع بعيد عن الأعمال البلاستيك اللي ممكن نكون بنعملها.
