رفض دعوى طليق مي فاروق بضم حضانة أبنائها بعد زواجها من محمد العمروسي| خاص

أعربت المطربة مي فاروق عن سعادتها البالغة عبر حسابها الشخصي بفيس بوك، بعد صدور حكم منذ قليل، برفض الدعوى المقدمة من طليقها ووالد أبنائها بضمهم لحضانته، بعد زواجها مؤخرًا من الفنان محمد العمروسي.

رفض دعوى طليق مي فاروق بضم حضانة أبنائها 

وعلم القاهرة 24 من مصادره الخاصة، أن طليق المطربة مي فاروق رفع دعوى مؤخرًا بعد إعلان زواجها من الفنان محمد العمروسي، بضم حضانة ابنه وابنته، ولكن صدر اليوم حكم برفض تلك الدعوى لصالح مي فاروق.

وقالت مي فاروق عبر حسابها الشخصي بـ فيس بوك منذ قليل: عمر ثقتي في ربنا ما خيبت أبدا ودايما ظني فيه إنه كريم وجميل وساندني وعارف مين المؤذي الدمعي ومين الصادق اللي اتظلم وده اللي دايما بيحصل.. ورضا أمي وأبويا عليا ودعواتهم ليا اللي دايما محاوطاني.. وثقتي في أن أنا ما بظلمش حد أنا اللي بتظلم وبوكل أمري لله وده قمة القوة اللي كتير قوي بيفتكروه ضعف بس عشان هم عندهم مشاكل.

وتابعت: أنا مسنودة سندة ما يهزهاش بشر أبدا.. ربنا معايا ودعوات أمي وأبويا ورضاهم عليا مرافقيني العمر كله.. وكمان في ضهري رجل محترم وأمين ثقتي فيه عمرها ما خابت.. ربنا يخليك ليا ولأولادنا.. وقانون بلدي وعدالة بلدي النزيهة وراجل محترم وقف معايا من أول الحكاية وثقتي فيه كانت كبيرة جدا المستشار القانوني ياسر قنطوش.

واختتمت مي حديثها: فاللهم لك الحمد علي كل نعمك وكرمك وفضلك.. وسندتك دايما عليا نعمة يارب ورد كيد الكائدين وحقد وغل كل واحد له.. اللهم آمين وانصرني دايما كده وزيدهم كمان وكمان من اللي في قلوبهم وابعدهم عنا اللهم آمين.