بعد نشر القاهرة 24.. عودة صغير لأحضان والدته عقب مشاكل مع طليقها
أعلنت السيدة أميرة المهدي عودة طفلها المصاب بالتوحد لـ حضانتها بعد أيام من نشر القاهرة 24 استغاثة السيدة بسبب اختطاف طليقها للصغير واحتجازه بـ مكان غير مؤهل وإهمال رعايته وعلاجه.
عودة الصغير لأحضان والدته بعد مشاكل مع طليقها
وقالت أميرة المهدي في تصريحات لـ القاهرة 24: الحمد لله والشكر لله ربنا يبارك فيكم أنتوا اللي ساعدتوني ابني رجعلي مرة تانية مع إني نزلت من الإمارات وأنا جوايا خوف من إن طليقي يعمل أي حاجة ويأذيني أو يأذي الولد وكنت نازله مرعوبة بسبب تهديده المستمر ليا.
وأضافت الحمدلله ربنا رجعلي ابني والنيابة والأجهزة كلها كانت متعاونة جدًا معايا وساعدوني ووقفوا جنبي والحمدلله رب العالمين تمت على خير وابني رجعي لحضني من تاني ولحظة استلام ابني عمر أجمل لحظة في حياتي شكرًا لكل اللي ساعدوني وشكرا لكل الجهات، والفرحة النهاردة مش سيعاني أبدًا ربنا يخلي كل من ساعدني وساهم في نشر استغاثتي أنتوا رزق من ربنا وعون ليا شكرًا على كل حاجة وإن شاء الله ابني الأيام اللي جاية هتبقى حالته أفضل بكتير من الأول.
وفي وقت سابق، استغاثت السيدة عبر القاهرة 24، من اختطاف طليقها لصغيرها وحرمانه من الرعاية والعلاج ورفضه عودة الطفل لوالدته.
