محمود سعد عن عادل إمام في عيد ميلاده: كنت بسمع إن القعدة معاه خطر.. ومبقاش يستخدم التليفون خالص
تحدث الإعلامي محمود سعد، عن تفاصيل علاقته وصداقته بالزعيم عادل إمام، والذي يتزامن اليوم عيد ميلاده، معربًا عن امتنانه الكبير بالمساحة التي منحها له الزعيم على مدار 35 عاما من الصداقة.
وقال محمود سعد، في مقطع فيديو عبر حسابه بموقع فيسبوك: عادل كان دايمًا في إيده التليفون وبيرد على طول، ودلوقتي مبيستخدمهوش خالص، والنهاردة تواصلت مع أخوه وقولتله يقوله كل سنة وأنت طيب يا عدولة يا أبو رامي، وربنا يسعده مع أولاد وأحفاده ويخليه لينا.
وتابع محمود سعد: أكتر من 10 سنين كان أي زميل عايز يقابل عادل إمام أو يوصلوا له يكلموني علشان يكلموه، مع أني مشتغلتش معاه ولكنه إداني مساحة كبيرة أشكره عليها، كنت أقدر أدخل مسرحه في أي وقت وكانت علاقتي بيه قوية، وكان ممنوع تمامًا حد يقف في كواليس مسرح عادل إمام لأن ده بيشغله جدًا، والمفروض كل واحد يخرج من الكواليس في وقت معين.
وواصل محمود سعد، حديثه عن الزعيم عادل إمام: وأنا صغير كنت بسمع أن القاعدة مع عادل إمام خطر، لأنه ممكن يخبطك كلمة يبعترك ومتعرفش ترد عليه، مش خوفًا منه ولكن لأنه سريع البديهة جدًا.
