“التبن أغلى من القمح”.. مزارعو الأقصر يشكون انفجار الأسعار قبل عيد الأضحى

في ظل موجة ارتفاع غير مسبوقة في أسعار التبن بمحافظة الأقصر، التقى “القاهرة 24” بأحد مزارعي مركز أرمنت، ويدعى أحمد عبد الباسط، الذي تحدث عن أزمة وصفها بأنها الأشد منذ سنوات، خاصة مع اقتراب عيد الأضحى وزيادة الطلب من مزارع التسمين.

الأقصر.. وجهة مثالية لعشاق الإثارة والمغامرات الفريدة

مزارع: “كنا بنشتري التبن بـ400 جنيه.. النهارده بـ1600!”

يقول عبد الباسط: “الوضع بقى صعب جدًا.. السنة اللي فاتت كنت بشتري الحملة بـ400 جنيه، دلوقتي بـ1600، وفي مناطق وصلت لـ2800 جنيه. إحنا كمربين مش قادرين نستحمل ده كله، خصوصًا مع ارتفاع أسعار الأعلاف التانية كمان”.

ويضيف:“المشكلة إن الطلب عالي جدًا الأيام دي بسبب عيد الأضحى، والناس كلها عايزة تسمّن العجول، ده غير إن في قرى كتير بقت تعتمد على التبن بشكل أساسي”.

أسباب متعددة.. والمزارع يتهم التجار بالاحتكار

وعن أسباب الأزمة، يوضح عبد الباسط: “في عوامل كتير، بس أهمها النقل اللي بقى غالي جدًا، وكمان في تجار بيحتكروا التبن ويخزنوه علشان يبيعوه بسعر أغلى، ومفيش رقابة عليهم”.

ويتابع:“كمان حصل نقص في زراعة القمح، لأن الفلاحين بيفضلوا يزرعوا محاصيل تانية بتكلفة أقل، والتبن بييجي من وراء درس القمح.. يعني المعروض بقى أقل”.

أسعار نار.. وتبن الفدان بـ16 ألف جنيه!

ويوضح عبد الباسط لـ”القاهرة 24” تفاصيل الأسعار الحالية قائلًا:“الحملة اللي وزنها 250 كيلو بقت بـ2800 جنيه”، “الشيكارة الواحدة بتتباع من 350 لـ500 جنيه حسب النوع”.“قيراط التبن بـ700 جنيه، وتبن فدان القمح ممكن يوصل لـ16 ألف جنيه”.

مزارع الأقصر يطالبون بوقف التصدير: “نخدم السوق المحلي الأول”

ويختتم عبد الباسط حديثه برسالة للحكومة: “إحنا مش ضد التصدير، لكن لازم يكون بعد ما نغطي السوق المحلي. دلوقتي اللي عنده تبن بيصدره بره بسعر أعلى، وإحنا هنا بنعاني. لازم يكون في رقابة أكتر، أو حتى وقف تصدير مؤقت لحد ما الأسعار تهدأ”.