بيرموا بضاعتهم قدام العربيات ويطلبوا فلوس.. طريقة غريبة للنصب في مصر الجديدة تثير الجدل
تصدر حادث نصب غريب تريند منصات التواصل الاجتماعي خلال الساعات القليلة الماضية، حيث تداول مستخدمو مواقع التواصل الاجتماعي صورًا لشابين يبيعان الزلابية في مصر الجديدة وزعم عدد من مستخدمي السوشيال ميديا تعرضهما للنصب من قبل الشابين بطريقة غير مألوفة.
طريقة غريبة للنصب تثير الجدل
وحذرت إحدى مستخدمي السوشيال ميديا من تعرضها للنصب من قبل شابين بـ مصر الجديدة بعد إلقاء أحدهما أطباق الزلابية التي يبيعانِها أمام سيارتها، ومطالبتهما إياها بدفع مبلغ 450 جنيهًا نظير إفسادها لـ مصدر رزقهما.
وقالت ساندرا في تصريحات خاصة لـ القاهرة 24: من فترة كنت ماشيه بعربيتي بالقرب من كلية البنات واتفاجئت بـ ولد بيبع زلابية جه قدام عربيتي وخبط فيها ورمى كل اللي معاه على الأرض لما نزلت طلب مني 450 جنيه عشان أنا وقعت مصدر رزقه وطبعا صعب عليا جدًا مع إني مجتش جنبه ولا وقّعت له حاجة بس قولت مش مهم.
وأضافت: حكيت الموقف ده لصديقي وبعدها علطول كان معدس بالصدفة من المكان ده واتفاجئ بالموقف حصل قدامه مع بنت تانية بس وقتها رفضت تديلهم حاجة بعد ما لطبوا منها 650 جنيه وساعتها صديقي اتدخل وقالها دول نصابين.
وتكررت نفس الحادثة مع عدد من الأشخاص وخاصة الفتيات، حيث اشتكى عدد منهم بسبب تعرضهم لـ نفس الموقف من قبل الشابين بمنطقة مصر الجديدة واضطروا لدفع المبلغ المالي الذي طلباه الشابان، وكتب أحد المستخدمين عبر منصة فيسبوك: كنت ماشي في المنطقة دي من فترة ولما الموقف حصل صعبوا عليا جدا أنهم أطفال وبيبعوا وافتكرت إني خبطتهم من غير ماخد بالي بس دلوقتي تأكدت أن ده نصب يا ريت الناس تاخد بالها.
