فتاة تستغيث من تعدي زوج أختها المتوفاة على صغيرته بالضرب: منعها من دخول الامتحانات وبيضربها بالحزام |خاص
استغاثت فتاة تدعى أية سيد، من محافظة الإسكندرية، من تعدي زوج أختها المتوفاة بالضرب على ابنته الصغيرة، ومنعها من دخول الامتحانات وحرقها بالسجائر، حيث قالت: زوج أختي بيضرب العيال بالحزام، ومستقصد البنت الصغيرة طول الوقت.
فتاة تستغيث من تعدي زوج أختها على أبنائه بالضرب
وقالت أية سيد، في تصريحات خاصة لـ القاهرة 24: أختي كانت مريضة كبد، وفي بداية مرضها جوزها طلقها، وتوفيت من 8 أشهر وتركت 6 أبناء، منهم 2 متزوجين و2 في مراحل عمرية أصغر، وريتاج عندها 8 سنين، وولد 3 سنين، ومن يوم ما إيمان أختي توفيت وجوزها بيعمل معانا مشاكل.
وتابعت: أول ما أختي توفيت خدت ريتاج تقيم معايا، وهو رجع قال أنا عايزها، وفعلًا أخذها وقولت يمكن يعوضها عن غياب والدتها وتكون في وسط اخواتها، لكن تفاجئت إنه منعها من دخول الامتحان من يومين، ولما عرفت ده صممت إني أخدها منه تاني، ولما البنت جت معايا لقيت على جسمها آثار ضرب وحرق، ولما سألتها مين عمل فيكي كده، قالتلي بابا ضربني بالحزام وطفى السجاير في إيدي.
وأضافت: زوج أختي طول الوقت بيضرب الأولاد، حتى في وجود أختي الله يرحمها، لكن هي كانت بتدافع عنهم طول الوقت، وبعد ما ماتت الموضوع زاد عن حده، وبالذات مع ريتاج ووصل به الأمر إنه يمنعها من الامتحانات ويحرقها بالسجاير، وهو مصمم إنه العيال تفضل عايشه معاه في حين إن والدتي موجودة، وكل اللي بطالب بيه إنه ميضربش ولاد أختي ويعاملهم كويس.
