معاملة الدكاترة سيئة.. أب يشكو من مستشفى تبارك للأطفال: مش هدخل المكان ده تاني
حذر شاب من مستشفى تبارك للأطفال في جسر السويس؛ بسبب سوء تعامل موظفيها والأطباء للمرضى وذويهم، بجانب الإهمال الطبي في المستشفى لمعظم حالات الأطفال.
أب يشكو من مستشفى تبارك للأطفال: مش هدخل المكان ده تاني
وشارك شاب عبر حسابه بـ منصة تيك توك فيديو عبر فيه عن غضبه الشديد من موظفي وأطباء مستشفى تبارك في جسر السويس بسبب سوء معاملتهم لأهالي الأطفال بالمستشفى بجانب الإهمال الطبي الذي يتعرض له عدد كبير من الأطفال بالمستشفى وافتقارها لـ التشخيص الدقيق.
وقال الشاب في الفيديو: يا جماعة أنا دلوقتي قدام مستشفى تبارك للأطفال بجسر السويس، أقسم بالله العظيم معاملة مع الناس ما تنفعش خالص، والدكاترة اللي فيها اقسم بالله لو استشاريين كبار ما يتعاملوش كده، وأنا عايز الفيديو ده يوصل لـ صاحب المستشفى، وعايز أعرف تجربتكوا مع المستشفى ديه، وربنا يشفي ولادنا يا رب وأنا واحد من الناس مش هدخل المكان ده تاني، بسبب معاملتهم اللي زي الزفت والدكاترة غير مؤهلين أصلًا.
واشتكى مستخدمو السوشيال ميديا من مستشفى تبارك للأطفال، إذ كتب صاحب حساب: مستشفى تبارك ديه، كل فروعها زي الزفت والدكاترة مش فالحين غير إنهم يعلقوا محاليل وبس، ويحسبوا فلوس وخلاص.
وأضاف مستخدم آخر: بجد من أوحش المستشفيات والأسلوب سيء مش هيتغير، برضوه كانوا بيتعاملوا معانا ومع عيالنا بنفس الأسلوب، وبجد ربنا ياخدهم، أسلوبهم زي الزفت.
