هاني سعيد: الكلام عن تأجيل مباراة بيراميدز وسيراميكا بقى ممل.. ومعرفش ايه فائدة الرابطة

عبّر هاني سعيد، المدير الرياضي لنادي بيراميدز، عن غضبه بسبب عدم تأجيل مباراة فريقه ضد سيراميكا كليوباترا، في الجولة الأخيرة من المرحلة النهائية لمسابقة الدوري المصري الممتاز.

وطلب بيراميدز من رابطة الأندية المصرية المحترفة تأجيل مباراة سيراميكا كليوباترا المقرر لها يوم الأربعاء المقبل 28 مايو، أي قبل 4 أيام من إياب نهائي دوري أبطال إفريقيا ضد ماميلودي صن داونز المقرر له يوم 1 يونيو المقبل، وهو الأمر الذي رفضته الرابطة لضيق الوقت.

لا أعلم سر هذه الحساسية.. رد ناري من شوبير على تصرف هاني سعيد المدير الرياضي لبيراميدز

هاني سعيد: نتمنى تأجيل مباراة سيراميكا.. ولو كان الأهلي أو الزمالك لما حدث ذلك

تصريحات هاني سعيد

 وقال هاني سعيد في تصريحات تليفزيونية: والله الكلام عن تأجيل مباراتنا قدام سيراميكا بقى ممل.. وأنا عن نفسي مش مستني حاجة من الرابطة.

وأضاف: المسؤولون بقى عندهم مصالح ملهاش أي علاقه بمصالح الأندية.. مفروض الرابطة معموله لخدمة مصالح الأندية.

وتابع هاني سعيد خلال تصريحاته: هي ايه فائدة الرابطة من وقت ما اتعملت أو قدمت ايه للأندية.. ولا هي اتعملت علشان يبقى عملنا رابطة زي الخارج؟

وتابع: معرفش هييجي رد من رابطة الأندية ولا مش هييجي، وأنا مش مستني حاجة لأن فيه حسابات تانية عند المسؤولية غير المصلحة العامة، الرابطة دورها تحافظ على مصالح الأندية كلها مش مصلحة حد معين، هو ايه الهدف من الرابطة؟ بنعمل رابطة عشان يبقوا موجودين وخلاص؟ الموضوع مش من دلوقتي من ساعة ما الرابطة اتعملت.

وتساءل هاني سعيد: هل في فريق أوروبا لعب مباراة في الدوري قبل نهائي دوري أبطال بثلاثة أيام؟، هنا بيحطوا المواعيد وخلاص مفيش مراعاة.. يعني اللي حط يوم 28 مايو اكيد مكنش متوقع أن بيراميدز يوصل النهائي، لو الأهلي ولو الزمالك مكان بيراميدز كان هيلعبوا بين ذهاب وإياب فاينل إفريقيا؟، هل فيه حد لعب قبل فاينل إفريقيا بثلاثة أيام مباراة، أنا بقولك لو الأهلي أو الزمالك مكان بيراميدز كان مش هيحصل تأجيل.