مشيرة إسماعيل تتصدر التريند بسبب عيادة حيوانات.. ما القصة؟
بحث الكثير من جمهور الفنانة مشيرة إسماعيل عن آخر أخبارها، بسبب استغاثتها في الفترة الماضية بـ المسؤولين، لغلق عيادة حيوانات في محل مسكنها، إذ أوضحت أن العيادة يخرج منها رائحة كريهة، بجانب رفضها التام لوجود مثل هذه العيادة في العمارة التي تسكن بها، مشيرة إلى أنه أمر لا يليق بسكان العمارة.
ورغم خروج مشيرة إسماعيل لأكثر من مرة لاستغاثتها وطلبها غلق هذه العيادة، إلا أن هناك فنانة وجهت لها انتقادًا في الساعات الأخيرة، وهو الأمر الذي جعلها تتصدر التريند، بعد تعرضها لانتقادات وهجوم حاد.
ويأتي ذلك بعد أن استغاث أحد ملاك العيادة، إذ قال في منشور عبر حسابه الشخصي بموقع التواصل الاجتماعي فيسبوك، قال فيه: إحنا قلنا للحي ما ينفعش تقفل عيادة بيطرية فيها حيوانات هتموت من الجوع، الرد كان مش مهم تموت أهم حاجة جارتكم الفنانة مشيرة إسماعيل متزعلش، وقفل العيادة على الحيوانات ومشي.
مشيرة إسماعيل تتصدر التريند بسبب عيادة حيوانات
وفي وقت سابق، كانت تحدثت مشيرة إسماعيل عن أزمتها مع جيرانها بسبب العيادة الحيوانات، شاكية من سلوكهم ومعربة عن استيائها بسبب محاولات جيرانها لفتح مشاريع تجارية بالعمارة.
وقالت مشيرة إسماعيل، في تصريح خاص لـ القاهرة 24: الشقتين اللي في الدور الأرضي مشترك فيهم شخصين، عيادة الحيوانات مقفولة بقالها مدة وبيحاول يعمل تصالح وياخد رخصة، والشقة التانية صاحبها فاتح سايبر فيها وفاتحين الشباك على الشارع وعاملين سلم حديد، وأنا عربيتي كانت مركونة رجعت لقيت 3 قاعدين عليها وماسكين كوبايات فيها خمور، قلتلهم أنتم عايزين بطانية لأن كده الدنيا برد عليهم.
وأضافت مشيرة إسماعيل: هما مكدرين عيشتنا، وكل شوية يفتحوا مشروع ويقفلوه وكان عايز يفتح جيم في الشقة، في حقوق جار وحقوق سكان، ينفع يبقى بنات قاعدة على السلم وماسكين الكلاب بتاعتهم وبيشربوا سجاير ومستنين دورهم في العيادة؟ أنا عايشة طول عمري في مصر الجديدة، أصحى مرة واحدة ألاقي نفسي في حواري وفيها كلاب؟ إزاي عايزين يعملوا صالة مزادات في الشقة؟ إحنا فين.
