زينة تمثل أمام النيابة لسماع أقوالها في بلاغ واقعة تعرض نجلها لهجوم من كلب شرس
وصلت منذ قليل، الفنانة زنية، إلى مقر النيابة العامة لسماع أقوالها في واقعة تعرض نجلها لهجوم من كلب شرس، خلال لعبه كرة القدم داخل كمبوند شهير بالشيخ زايد.
واقعة هجوم كلب على نجل الفنانة زينة في الشيخ زايد
تعود بداية الواقعة عندما حررت الفنانة زينة محضرًا بأحد أقسام الشرطة، بعد تعرض نجلها لهجوم من كلب شرس، خلال لعبه كرة القدم داخل كمبوند شهير بالشيخ زايد.
وقالت زينة خلال مداخلة لـ برنامج الحكاية مع الإعلامي عمرو أديب: امبارح نزلت ولادي عند الملعب جنب البيت وهو خاص بالكومباوند وروحت السوبر ماركت، جالي تليفون ابني بيعيط وبيقولي الحقيني يا ماما فيه كلب واحد سايبه علينا وهيموتنا، الواحد ده دخل له الملعب وقاله عايز ألعب ابني قاله لا دا حجزنا، لو عايز تيجي تلعب معانا تعالى، الولد قاله لأ وهعرف أخرجك إزاي وجابله الكلب وبيجري وراه بيه.
وواصلت زينة: ابني جري من الكلب وهو بيجري ورجله اتعورت، وابني التاني عشان عنده كلب عارف النظام والكلب خربشه في رجله، قولت للولد انت ابن مين.. العيب مش عليك أنا هتكلم مع مامتك اللي سابتك تخرج مع كلب كبير زي ده.. أنا مقدرش أخرج ابني بكلب زي ده.
واستكملت زينة حديثها: الولد دخل البيت ومامته طلعت بتزعق وبتقولي إنتي بتشتمي ابني.. قولتلها أنا جاية أقولك لحد عندك وبقولك متخرجيش الولد بالكلب تاني وخدت بعضي ومشيت، وقولتلها أنا هعرف آخد حقي بالقانون، زوجها حاول يسكتها وهي الست معملتش احترام لحد.
