ضربها بحديدتين وتخلص منها بدناءة.. شقيقة آية عادل ضحية العنف الزوجي بالأردن تكشف تفاصيل جديدة
كشفت أسما عادل، شقيقة آية عادل، ضحية العنف الزوجي في الأردن، تفاصيل جديدة حول الواقعة.
شقيقة آية عادل ضحية العنف الزوجي في الأردن تكشف تفاصيل جديدة
وقالت أسماء خلال منشور عبر فيسبوك: أختي قُتلت.. ولم تلقي بنفسها كما يقول زوجها.. زوجها ضربها ضرب مبرح كسر جسدها الطاهر بحديدتين.. وسببلها تكسير وتهتك وتورم وكدمات فيجسدها، دا اللى طلع بالتقرير الطبي ازاي هتطلع فوق الترابيزة وجسدها مكسور من الحديد يا بشر؟، المجرم لقاها بتطلع فالروح وبتموت فقال أتخلص منها بكل مكر وخبث ودناءة، عشان يفلت من القتل العمد ولا يعاقب بالقانون ويقول إنها منتحرة، شالها فوق الترابيزة قال لها افتحي الشباك تحت تهديد آلة حادة لأنه يعلم بوجود كاميرات مراقبة، اتخبى خلف الشباك، وخلاها فتحت الشباك ودفعها من ظهرها بإيد وايده التانية كانت بتدفعها من خلفها وبتظهر بوضوح من خلال الفيديو.
وأضافت: قبل ما يقتلها أختي قالت إنه بيهددها بالقتل كتير، وأنه هيبعتها مصر على نقالة، وهيكسر لها جسمها وهيرميها من الشباك ويقول إنها انتحرت لو بلغت الشرطة عن ضربه لها بالحديد، أو لو اشتكت وأرسلت لعمله في الun لأنه يخاف أن يفقد منصبه بسببها، لذلك تخلص منها للأبد.
وتابعت: لما دخلت البيت في الأردن بعد أسبوع تقريبا وجدت سجادة الصلاة اللى بتصلي عليها يوميا مفتوحة جنب السرير، وجنبها المصحف اللى بتقرأ فيه فوقها استفراغ أبيض ناشف، مع العلم الصورة التقطت بعد الواقعة بـ3 أسابيع فنشف الاستفراغ أكثر مما رأيته.
وتابعت: وجدت المرسم بتاعها كله متكسر، وبعض اللوح مكسورة داخل المرسم، مقدرتش أدخل كأنه مش مرسم أختي المنظم اللي كانت بتبعتهولي، ووجدت أهله كلهم عايشين ومقيمين فى البيت، والبيت ليس كما المعتاد كأن دخل حرامي خرب وكسر وبهدل كل شيء بحجرة اختى والمرسم.
وأوضحت: أختى قُتلت ولم تلقي بنفسها كما يقول زوجها.. لن نترك حقها والله سبحانه وتعالى لن يترك حق المظلومة أختى فى الدنيا والآخرة.. حسبنا الله ونعم الوكيل الله ناصرنا ومعانا اللهم انتقم.
