رئيس الجامعة قالي مكتبي مفتوح لك دايما.. أول تعليق من صاحب فيديو الدليفري سيرًا على الأقدام بعد تقديم منحة دراسية له
علّق الشاب هاني خالد داوود، صاحب الـ 25 عامًا، ابن مركز البدرشين بمحافظة الجيزة، والطالب بكلية التجارة، الذي تصدر التريند خلال الساعات القليلة الماضية، بسبب ظهوره في فيديو خلال مهام عمله الشاقة وهو في حالة من الرضا، على قرار رئيس جامعة القاهرة، بتقديم منحة دراسية كاملة له على خلفية فيديو الدليفري سيرًا على الأقدام.
أول تعليق من طالب تجارة القاهرة بعد تقدم منحة دراسية له
وأردف في تصريحات خاصة لـ القاهرة 24: أنا بشكر رئيس جامعة القاهرة على هذا القرار، وبحمد ربنا على توفيقه ليه بعد الفيديو ومكنتش متوقع كل اللي حصل ده، لكن كرم ربنا كبير.
وواصل قائلا: ربنا يكرمني واجتهد إن شاء الله وأساعد أهلي وإخواتي الخمسة، ومبسوط وراضي عن اللي وصلت له حتى لو بتعب فيه.
وأضاف الطالب: رئيس الجامعة تواصل معايا وكلمني في الموبايل وقالي مكتبي مفتوح لك دايما، والجامعة مبسوطة وأنت نموذج مُشرف، أنا متكفل بكل حاجة أنت محتاجها، وخليك بار بوالدك ووالدتك لأنهم هما كنزك في حياتك، وقالي منتظرك في المكتب عشان أشوفك وده شيء أسعدني جدا.
واختتم: أنا قدمت الشكر للدكتور محمد سامي لأني حسيت وهو بيكلمني إنه زي والدي حقيقي، وحكيت له ظروفي في تأجيل الامتحانات وهو مقدر كل اللي قولته.
