محمد عبد الرحمن: كنت بمثل من ورا أمي لأن عائلتي دكاترة.. ومكنتش متخيل إن حد يبصلي وأتجوز
تحدث الفنان محمد عبد الرحمن، عن كواليس بداية مشواره الفني، موضحًا أنه أخفى عن والدته دخوله مسرح الجامعة، بجانب حديثه عن زوجته.
وقال محمد عبد الرحمن، في لقائه مع المخرج معتز التوني، في بودكاست فضفضت أوي: كنت بمثل من ورا أمي، لأن أبويا كان مدير حسابات وعائلتي دكاترة، وعمري ما ندمت على حاجة رفضتها لأن ده نصيب، لأني في نفس الوقت بعمل حاجات تانية بتنجح، ويمكن أنا في جيلي في أصحابي بطيء شوية ولكني بحاول أركز في اللي بعمله
محمد عبد الرحمن عن زوجته: مكنتش متخيل إن حد يبصلي واتجوز.. ربنا يديمها نعمة
وعن زوجته آية، تحدث محمد عبد الرحمن: آية مراتي ربنا رزقني بيها، أنا مكنتش متخيل أن ممكن حد يبصلي وأتجوز، ربنا يديمها نعمة وإحنا زي أي بيت متفاهمين وبنشد شوية، وبنحاول نحافظ على بعض.
آخر أعمال محمد عبد الرحمن
وعلى جانب آخر، عُرض مؤخرًا للفنان محمد عبد الرحمن، مسلسل برستيج، وشاركه في بطولة العمل كل من الفنان مصطفى غريب، سامي مغاوري، دينا، معاذ نبيل، آلاء سنان، زياد ظاظا، وشارك في العمل العديد من ضيوف الشرف منهم يسرا وأحمد داود.
وكان غاب محمد عبد الرحمن عن المشاركة في الموسم الرمضاني الماضي واكتفى بظهوره ضيف شرف في مسلسل إش إش، بطولة مي عمر، تأليف وإخراج محمد سامي وشارك في العمل ماجد المصري، هالة صدقي، إدوارد، إنتصار، دينا، علاء مرسي، عصام السقا، إيهاب فهمي، وحقق العمل وقت عرضه نسبة مشاهدة كبيرة.
