محامي أحمد الدجوي: نوال الدجوي كانت مخطوفة من بنتها منى.. وهي عقلها عقل صغيرة
قال محمد حمودة، محامي أحمد الدجوي، إن الدكتورة نوال الدجوي كانت مخطوفة من بنتها منى، وكانوا بيخوفوها هي عقلها عقل طفلة صغيرة.
تصريحات محامي أسرة أحمد الدجوي
وأضاف محامي أسرة أحمد الدجوي، خلال برنامج الحكاية مع الإعلامي عمرو أديب: منى قالتلهم عايزة نوال تقعد عندي شهر وبعدها باعت كل المدارس اللي بتملكها لإنجي وماهيتاب ولادها.
وأوضح: نوال الدجوي باعت مدرسة دار التربية اللي كانت في عزيز أباظة بـ11 مليون جنيه، وباعتلهم المدرسة اللي في الدقي بـ 8 ملايين جنيه، ومدرسة تانية بـ 9 ملايين جنيه، والمدرسة اللي في شارع إسماعيل محمد في الزمالك بـ 22 مليون، وباعت مدرسة في الزمالك في شارع محمود عزمي بـ 12 مليون جنيه، هل ماما نوال هتمضي على الكلام دا بكامل عقلها، هاتوهالنا في النيابة تتسأل من غير المحامين ونشوف ده صح ولا غلط؟.
وأشار إلى أن نوال الدجوي عقلها مثل عقل الطفلة ومصابة بأمراض الشيخوخة قائلا: ازاي هتبيع كل المدارس اللي بمليارات دي بملايين وبالتقسيط.
