تانيا قسيس: عمرو مصطفى مبيتكلمش عن مرضه وحابب يكون لوحده
كشفت الفنانة اللبنانية تانيا قسيس عن تفاصيل تعاونها الجديد مع الفنان والملحن المصري عمرو مصطفى في أغنية بعنوان خليني معاك، مؤكدة أن العمل يحمل طابعًا رومانسيًا مميزًا بإيقاع صيفي ونَفَس إسباني مختلف عن أسلوبها الغنائي المعتاد.
تانيا قسيس: عمرو مصطفى مبيتكلمش عن مرضه وحابب يكون لوحده
وقالت تانيا فسيس في لقائها مع القاهرة 24: الأغنية فيها كتير رومانسية، لكن بإيقاع مختلف وصيفي فيه نفس إسباني، ده مش النمط اللي بغني فيه عادة، لكني سعيدة جدًا بالتعاون مع عمرو مصطفي، مصطفى نصر وتوزيع فادي إبراهيم، مضيفة: دي تاني مرة أشتغل معاهم، والتجربة ممتعة جدًا.
وحول كواليس العمل، أوضحت أن الأغنية واجهت عدة تأجيلات بسبب الظروف، وقالت: سجلت الأغنية في القاهرة عند عمرو مصطفى، وبدأنا في التوزيع، لكن الحرب اندلعت في لبنان، وكمان كانت حالة عمرو الصحية مش كويسة في الوقت ده، الحمد لله دلوقتي الأغنية جاهزة، وكنت بتمنى يكون معنا في الإطلاق، لكن الظروف منعته.
وعن الحالة الصحية لعمرو مصطفى، قالت تانيا، إن الفنان يمر بظروف صحية خاصة، لكنه لا يشارك التفاصيل مع من حوله، مضيفة: عمرو مش بيحكي عن مرضه، وما بنقدر نعرف تفاصيل، بعرف إن حالته مستقرة، لكنه حابب يكون لوحده، أنا بصليله، والدعوات أهم حاجة دلوقتي.
كلمات أغنية خليني معاك
وجاءت كلمات أغنية خليني معاك كما يلي: هلاقي تاني زيك أنت فين، هو إنت ممكن تيجي مرتين، لو هحكي مرة حاسة إيه، واللي أنت بتعيشني فيه، محتاجة على السنين كمان سنين، خلتني أقول كلام جديد، وألمس قمر عالي وبعيد.
