وليد توفيق: الغناء في دمي وحاسس إن عندي 30 سنة.. والفنان زي الملاكم لو مش قادر يتجه للأعمال الخيرية
علق الفنان اللبناني وليد توفيق على مطالبات البعض باعتزاله الغناء، مؤكدًا أنه لا يلتفت إلى الانتقادات وأنه لن يُقدم على خطوة الاعتزال إلا إذا كان بقرار شخصي منه بعدم قدرته على العطاء مرة أخرى.
وقال وليد توفيق، في تصريحات تليفزيونية: اللي بيطالب باعتزالي بقوله شكرًا دي وجهة نظر، وكل واحد حر إحنا في بلد حر، وفي ناس عايزاني أكمل، والطير إذا وقفته عن التغريد بيموت، وأنا مقدرش مغنيش، الغناء في دمي وإحساسي، يقولوا اللي يقولوه المهم أنا بحس بإيه، في ناس عمرها 30 سنة ومن جوا عمرها 80، أنا لغاية دلوقتي حاسس عمري 30 سنة.
وتابع وليد توفيق: وأنا لو جه وقت وحسيت نفسي مش قادر ولازم أوقف غناء هوقف، مش هضيع تاريخي بحاجات مقدرش أقولها، وأنا اتعرض عليا أغاني كتير ورفضتها لأني مقدرش أقولها، لازم تكون ناجحة وعارف أني لما أقدمها هتنجح، والفنان زي الملاكم وقت ما يحس أنه مش قادر على العطاء مش غلط أنه يلتفت للأعمال الخيرية.
وليد توفيق يكشف سر حفاظه على شبابه
كما كشف الفنان وليد توفيق، سر حفاظه على شباب، قائلًا: الرياضة مهمة وأنا كل يوم بمشي وبلعب شوية رياضة، ومن جوا أنا إنسان صافي وطيب ومعرفش معنى الحقد، وكل ما بتكبر بتشوف أن في حاجات مش لازم تعصبك ولا تضايقك زي الانتقادات، أنا ليه أنام زعلان؟.
