بعد نجاحها في لام شمسية.. يسرا اللوزي تنتظر عرض صقر وكناريا
حققت الفنانة يسرا اللوزي نجاحًا كبيرًا في موسم رمضان الماضي 2025، من خلال مشاركتها في مسلسل لام شمسية، والذي عُرض في النصف الثاني من رمضان وحقق نجاحًا كبيرًا منذ عرض أولى حلقاته.
فيلم صقر وكناريا
وقالت يسرا اللوزي في تصريحاتها للقاهرة 24، إنها تعمل حاليًا على تصوير فيلم صقر وكناريا بطولة الفنان محمد إمام.
يسرا اللوزي تتحدث عن مشاركتها في مسلسل لام شمسية
وكانت تحدثت الفنانة يسرا اللوزي، خلال لقائها مع القاهرة 24، عن مشاركتها في مسلسل لام شمسية، قائلة: وإحنا شغالين مكناش بنفكر أوي الجمهور هيتقبل إيه، إحنا كنا بنعمل حاجة مكتوبة ومتنفذة كويس فيها الحمد لله كل مقاومات العمل الناجح، والموضوع مهم وإحنا كنا مصدقين فيه، وأعتقد مفيش حد ندم إنه شارك في العمل ده.
وأضافت يسرا اللوزي: الشخصية بصراحة كانت تقيلة وأنا لما خلصت مش هقول كنت مكتئبة ولكن كان في ثقل وحاجة كاتمة على نفسي، وكان فيه شحنة وكل مشهد كنت بقول فيه حاجة بنظراتي فكان لازم أشحن من جوا جامد فالموضوع كان مرهق، وفي مشهد ممكن أكون متكلمتش فيه ولكن إيدي كانت بتترعش بعد تصويره، وقعدت حوالي 3 أسابيع حاسة إني غير متزنة، لكن خدت إجازة وقعدت مع عائلتي ورجعت للروتين بتاعي.
